Hündür binalardan birinin damına çıxan gənc akrobatik hərəkətlə digər binanın damına tullanıb.
ÇıxışYolu.Com “Xəzər” TV-yə istinadən xəbər verir ki, həmin gənc paytaxt sakini 19 yaşlı, III kurs tələbəsi Fərid Hüseynovdur.
O, hündür binaların birinin damından digərinə olan dörd metrlik məsafəni akrobatik hərəkətlə keçir.
Fərid Hüseynov etdiyi riskli hərəkətləri başqalarına tövsiyə etmir. Bu hərəkətlər üçün əzmlə, uzun müddət məşq etməyə ehtiyac olduğunu deyir.
F.Hüseynov qeyd edir ki, məqsədinin gələcəkdə bu idman növü üzrə Azərbaycanı yarışlarda təmsil etməkdir.