Bu mövsüm ekrana gəlməsi planlaşdırılan “Çarpışma” serialında Kıvanç Tatlıtuğla baş rol oynaması üçün Elçin Sanquya təklif verilmişdi. Ancaq o, bu təklifi qəbul etməyib.
ÇıxışYolu.Com xəbər verir ki, iddiaya görə, Kıvançla yenidən partnyorluq etmək üçün Beren Saata təklif göndərilib.
2008-2010-cu illərdə birlikdə oynadıqları “Aşkı-memnu” serialı ilə məşhurluğun pik həddinə çıxan və reytinq rekordları qıran cütlük əgər Beren təklifi qəbul edərsə, yenidən tamaşaçıların qarşısına çıxacaq.
Qeyd edək ki, “Aşkı-memnu”dan sonra Beren Saata Kıvançla yenidən bir layihədə yer almaq təklif olunsa da, aktrisa Tatlıtuğun ondan daha çox maaş alacağını eşidib, şirkətə “yox” cavabını vermişdi.
Onu da bildirək ki, Beren hər seriya üçün 130 min lirə, Kıvanç isə 150 min lirə pul istəmişdi.