Kişilərdən ibarət şahmat üzrə Azərbaycan millisi Ukrayna komandasına 1,5:2,5 hesabı ilə uduzub ve son tur öncəsi medal qazanmaq şansını itirib.
ÇıxışYolu.Com xəbər verir ki, qadınlardan ibarət millimizin isə medal qazanmaq şansı hələ qalır.
Qeyd edək ki, kişilər 13 xalla 20-ci, qadınlar isə 15 xalla 7-ci yerdədir.
20.05
Gürcüstanda keçirilən 43-cü Ümumdünya Şahmat Olimpiadasında Azərbaycanın qadınlardan ibarət şahmat millisi Ermənistan kollektivi ilə heç-heçə oynayıb.
ÇıxışYolu.Com xəbər verir ki, hesab 2:2 olub.
Kişilərdə isə üç heç-heçə qeydə alınıb. Bir oyun davam edir.
12.34
Gürcüstanda keçirilən 43-cü Ümumdünya Şahmat Olimpiadası sona çatmaq üzrədir.
ÇıxışYolu.Com xəbər verir ki, bu gün X tur keçiriləcək.
Ardıcıl üç görüşdə qələbə qazana bilməyən, son iki qarşılaşmada məğlub olan kişi millimiz bu gün dünya reytinqində VI sırada olan Ukrayna ilə qarşılaşacaq. Hər iki komandanın 13 xalı var. Sadəcə olaraq, Azərbaycan turnir cədvəlində əlavə göstəricilərə görə X, Ukrayna isə XVI pillədə qərarlaşıb.
Şəhriyar Məmmədyarov (ağ) – Vasili İvançuk
Teymur Rəcəbov (qara) – Pavel Elyanov
Arkadi Naydiç (ağ) – Yuri Krivoruçko
Rauf Məmmədov (qara) – Ruslan Ponomaryov
Maraq üçün bildirək ki, ilk sırada hələ də məğlubiyyət acısı dadmayan Polşa millisi qərarlaşıb. Polyakların 16 xalı var. Dünya reytinqinin lideri ABŞ və Çin isə 15 xalla müvafiq olaraq II və III sıradadır.
Qadın millimiz isə bu gün prinsipial rəqibimiz olan Ermənistan yığması ilə qarşılaşacaq. Millimiz 14 xalla VI pillədə qərarlaşıb. Ermənilər isə 15 xalla III sıradadır. İlk sırada 16 xalla Çin, II pillədə 15 xalla Ukraynadır.
Günay Məmmədzadə (ağ) – Elina Danielyan
Zeynəb Məmmədyarova (qara) – Lilit Mkrtçyan
Xanım Balacayeva (ağ) – Anna Sarqsyan
Gülnar Məmmədova (qara) – Mariya Kursov
Qeyd edək ki, bütün görüşlər saat 15:00-da başlayacaq.
Səbuhi MUSAYEV
www.ÇıxışYolu.Com