Yer kürəsində G2 kateqoriyalı geomaqnit qasırğası başlayıb.
ÇıxışYolu.Com-ın məlumatına görə, günəş aktivliyinin noyabrın 5-dən 7-nə kimi davam edəcəyi gözlənilir.
Qasırğa aşağı səviyyədə olacaq, amma noyabrın 7-də fasilərlə həyəcanlanmaların olacağı istisna edilmir.
AMEA Şamaxı Astrofizika Rəsədxanasından bildirilib ki, geomaqnit sahəsinin belə aktivlik şəraiti enerji sistemində və peyk yayınlarında, radiorabitədə kiçik mənfi effektlərə səbəb olur:
“Sürətli Günəş küləyi rejimi, maqnit sahəsinin nizamsız həyəcanlanmaları canlı orqanizmlərə də mənfi təsir göstərir. Bu həyəcanlanmalar xüsusi risk qrupunda olan xəstə və hətta bəzi sağlam insanlarda baş ağrılarının və miqrenin yüksəlməsi halları kimi narahatlıqlar, yuxusuzluq, stress və depressiya tipli hissiyyat meydana gətirə bilər”.
İlhamə Əbülfət
www.ÇıxışYolu.Com