BƏƏ-nin Fuceyrə şəhərində keçirilən taekvondo üzrə komandalararası dünya çempionatına yekun vurulub.
ÇıxışYolu.Com xəbər verir ki, çempionatda təmsil olunan komandamız yarımfinalda Rusiya millisi ilə qarşılaşıb.
Bərabər səviyyədə keçən qarşılaşmadan Rusiya komandası qalib ayrılaraq finala yüksəlib.
Nəticədə Meksika və Azərbaycanda keçirilən dünya kuboku və komandalararası dünya çempionatında qalib olan millimiz bu yarışı bürünc medalla başa vurub. Bu, kişilərdən ibarət taekvondo millimizin bu turnirdə qazandığı ikinci bürünc medal olub.
Finalda isə Rusiya və İran taekvondoçuları qarşılaşıb. Çempionatın qalibi İran millisi olub.
Qeyd edək ki, baş məşqçilər Rza Mehmandust, Elnur Amanov və böyük məşqçi Rəşad Əhmədovun rəhbərliyi ilə yarışda çıxış edən millimiz noyabrın 26-da vətənə dönəcək.
Səbuhi MUSAYEV
www.ÇıxışYolu.Com