Bərdədə iki avtomobil toqquşdu: Ölənlər və xəsarət alan var – YENİLƏNİB
Bərdədə baş verən ağır yol-nəqliyyat hadisəsi zamanı yaralananlardan biri
vəfat edib.
Bu barədə Cixisyolu.com-a Baş Dövlət Yol Polisi İdarəsinin ictimaiyyətlə əlaqələr
şöbəsinin rəisi Rövşən Tağıyev məlumat verib.
O bildirib ki, hadisə nəticəsində yaralanan digər şəxsin vəziyyəti ağır olaraq
qalır:
“Yaralı Bərdə Rayon Mərkəzi Xəstəxanasına yerləşdirilib”.
19:07
Bərdədə ağır yol-nəqliyyat hadisəsi baş verib.
Cixisyolu.com-ın məlumatına görə, iki nəqliyyat vasitəsi toqquşub və qəza nəticəsində
ölənlər var.
Hadisəni Cixisyolu.com-a Baş Dövlət Yol Polisi İdarəsindən təsdiq ediblər.
İdarənin İcrimaiyyətlə Əlaqələr şöbəsinin rəisi Rövşən Tağıyev bildirib ki,
qəza Yevlaz-Ağdam-Laçın yolunun 38-ci kilometrində Bərdə rayonu Kətəlparaq kənd
ərazisində qeydə alınıb:
“Niva” markalı, 90-EA-774 nömrə nişanlı avtomobil ilə “Mercedes” markalı,
34-BK-302 dövlət nömrə nişanlı maşınlar toqquşub. İlkin mılumata görə, qəzada
üç nəfər ölüb, iki nəfər yaralanıb. Faktla bağlı araşdırma aparılır”.
Könül Cəfərli