Bakı-Pirşağı-Bakı dəmiryolu istiqamətində qatarların hərəkəti dayandırılıb
Bizim WhatsApp kanalımıza buradan abunə ola bilərsiniz
“Azərişıq” ASC-yə məxsus 6 kV-luq hava xəttinin qırılaraq dəmiryolu xəttinin
üzərinə düşməsi səbəbindən Bakı-Pirşağı-Bakı dəmiryolu istiqamətində qatarların
hərəkəti dayandırılıb.
“Azərbaycan Dəmir Yolları” QSC-nin (ADY) Mətbuat Xidmətindən faktı “Report”a
təsdiq ediblər.
Bildirilib ki, qeyd edilən hadisə Pirşağı-Zabrat mənzilində baş verib. Bu
səbəbdən də qəzanın nəticələri aradan qaldırılanadək həmin istiqamətdə
qatarların hərəkəti dayanıb.
Eyni zamanda, Sumqayıt stansiyasından 18:12-də çıxmalı olan qatar hadisə ilə
bağlı olaraq 20 dəqiqəlik gecikmə ilə Sumqayıt-Xırdalan-Bakı istiqamətinə
ötürülüb.