Bakı və Abşeronda külək güclənib, rayonlara qar yağıb – FAKTİKİ HAVA
Bizim WhatsApp kanalımıza buradan abunə ola bilərsiniz
Ölkə ərazisində yanvarın doqquzu axşam saatlarından başlayaraq havə şəraiti
dəyişib, şimal-qərb küləyi bəzi yerlərdə güclənib.
Bu barədə Ekologiya və Təbii Sərvətlər Nazirliyinin (ETSN) Milli
Hidrometeorologiya Xidmətindən məlumat verilib.
Bildirilib ki, yanvarın 10-u saat 00:00-a olan məlumatına əsasən hazırda
küləyin maksimal sürəti Bakıda və Abşeron yarımadasında 25 m/s, Şəkidə 18 m/s,
Şabranda 16 m/s-dək çatıb.
Zaqatala, Xaçmaz, Ceyrançöl, Qubada yağış, Qaxın dağlıq ərazilərinə qar yağıb.