Bakıda adam bıçaqlamağa görə tutulan ərəb biznesmenin məhkəməsi başlayıb
Bizim WhatsApp kanalımıza buradan abunə ola bilərsiniz
Bakıda adam bıçaqlamaqda təqsirləndirilən ərəb iş adamının cinayət işi üzrə
məhkəmənin hazırlıq iclası keçirilib.
APA xəbər verir ki, Bakı Ağır Cinayətlər Məhkəməsində hakim Siyavuş Hacıyevin
sədrliyi ilə baş tutan prosesdə təqsirləndirilən şəxsin anket məlumatları
dəqiqləşdirilib.
Baxış iclası dekabrın 9-na təyin edilib.
Qeyd edək ki, Azərbaycanda fəaliyyət göstərən “Narginer RR” MMC-nin qanuni
təmsilçisi olan Al-Ubeydi Ədhəm Məhəmməd Bakı şəhər sakini Sadiq Rəhimovu
bıçaqlamaqda təqsirli bilinir.
Ona qarşı Cinayət Məcəlləsinin 126.2.4-cü (Qəsdən sağlamlığa ağıq zərər vurma
– ümumi təhlükəli üsulla, xuliqanlıq niyyəti ilə törədildikdə) maddəsi ilə
ittiham irəli sürülüb, həbs olunub.