Bakıda beşulduzlu hotellərin qiymətində fantastik artım
Bizim WhatsApp kanalımıza buradan abunə ola bilərsiniz
Bu ilin yanvar-may aylarında Bakıda 3, 4 və 5 ulduzlu hotellər üzrə onlayn
bronlaşdırma sistemi olan booking.com-da qeyd olunan orta qiymətlər açıqlanıb.
“Report” Dövlət Turizm Agentliyinin hesabatına istinadən xəbər verir ki,
üçulduzlu hotellərdə bir gecə qalmaq üçün orta qiymət 78,8 manat, dördulduzlu
hotellərdə orta qiymət 111,2 manat, beşulduzlu hotellərdə isə 209,6 manat
təşkil edib.
Qiymətlər, ötən ilin eyni dövrü ilə müqayisədə üçulduzlu hotellər üzrə 16,3%,
dördulduzlu hotellər üzrə 4,7% və beşulduzlu hotellər üzrə isə 39,7% artıb.