Bakıda bu həftə hansı mədəni tədbirlər olacaq? – Mədəniyyət AFİŞASI + FOTO
Bizim WhatsApp kanalımıza buradan abunə ola bilərsiniz
Cixisyolu.com yaxın günlərdə baş tutacaq tədbirləri bir siyahıya toplayıb. Burada
mayın 13-dən mayın 19-dək Azərbaycanın paytaxtında keçiriləcək tamaşalar,
konsertlər, sərgilər, film nümayişləri və digər tədbirlərlə tanış ola
bilərsiniz.
13 may
Beynəlxalq Muğam Mərkəzində saat 19:00-da unudulmaz tarzən və pedaqoq Həmid
Vəkilova həsr olunmuş gecə keçiriləcək.
Biletlərin qiyməti: 5-10 AZN
Azərbaycan Dövlət Filarmoniyasının Kamera və orqan musiqisi zalında saat
19:00-daOleq Torsunovun “Tale və özgüvən” seminarı keçiriləcək.
Biletlərin qiyməti: 40-60 AZN
14 may
Beynəlxalq Muğam Mərkəzində saat 19:00-da “Ver sözə ehya” adlı tədbir
keçiriləcək.
Proqramda Üzeyir Hacıbəyli, Cahangir Cahangirov, Ramiz Mustafayevin əsərləri
və müasir işləmələr səslənəcək.
Bədii rəhbər Əməkdar müəllim Təranə Yusifovadır.
Biletlərin qiyməti: 10 AZN
15 may
Beynəlxalq Muğam Mərkəzində saat 19:00-da Azərbaycan Milli Konservatoriyasının
nəzdində Sumqayıt Musiqi Kolleci Fortepiano ixtisası üzrə tələbələrinin Qara
Qarayevin fortepiano yaradıcılığına həsr olunmuş “Qara Qarayev illəri keçərək”
adlı konserti keçiriləcək.
Biletlərin qiyməti: 5-7 AZN
Azərbaycan Dövlət Akademik Milli Dram Teatrında saat 19:00-da “Şükriyyə” adlı
tamaşa nümayiş olunacaq.
Müəllif – Cavid Zeynallı, quruluşçu rejissor – Bəhram Osmanov, rollarda –
Münəvvər Əliyeva, Nurəddin Mehdixanlı Əli Nur, Mehriban Xanlarova, Vəfa Rzayeva
və başqaları.
Biletlərin qiyməti: 7-12 AZN
16 may
Azərbaycan Dövlət Filarmoniyasının Kamera və orqan musiqisi zalında saat
19:00-da“Ustadlara ithaf” adlı duet-konsert keçiriləcək. Proqramda J.S.Bax,
İ.Xandoşkin, M.Qlinka, F.Şopen, P.Sarasate, N.Rimski-Korsakov, R.Qlier,
S.Prokofyev, H.Kunihiko, Q.Qarayev, S.Slonimski, İ.Frolov, F.Qarayev və
A.Vedyakovanın əsərləri səslənəcək.
Biletlərin qiyməti: 3-15 AZN
Beynəlxalq Muğam Mərkəzində saat 19:00-da Xalq artisti, bəstəkar Ramiz
Mirişlinin 90 illik yubileyinə həsr edilmiş“Azərbaycan Dünyam Mənim” konserti
keçiriləcək.
Biletlərin qiyməti: 10 AZN
Azərbaycan Dövlət Akademik Musiqili Teatrında saat 19:00-da “Aysedora” adlı
tamaşa nümayiş olunacaq. Səhnə əsərinin bədii rəhbəri Əliqismət Lalayev, musiqi
rəhbəri Fəxrəddin Atayev, quruluşçu rəssamı Nabat Səmədova, baletmeysteri Nigar
Şahmuradova, musiqi redaktoru Nigar Süleymanovadır.
Biletlərin qiyməti: 8-15 AZN
Bakı Musiqi Akademiyası nəzdində Opera Studiyasının Konsert salonunda saat
19:00-da“Kənd namusu” adlı tamaşa nümayiş olunacaq. Libretto müəllifləri
Q.Tarconi-Tosetti, Q.Menaşi, bəstəkarı Pyetro Maskanyi, dirijoru Yalçın
Adıgözəlovdur.
Biletlərin qiyməti: 12-20 AZN
Şəhriyar Adına Mədəniyyət Mərkəzində saat 19:30-da ƏSA teatrının “Hamlet”
tamaşası nümayiş olunacaq. Quruluşçu rejissor Nihad Qulamzadə, rəssam Nübar
Hüseynova, musiqi tərtibatı Nicat Qulamdır. Rollarda Elşən Əskərov, İlqar
Cahangir, Qasım Nağı, Könül Şahbazova, Elsevər Rəhimov, Amin Əskərov, Səmayə
Ağayarovadır.
Biletlərin qiyməti: 10-30 AZN
17 may
Azərbaycan Dövlət Akademik Milli Dram Teatrında saat 19:00-da “Əsrə bərabər
gün” tamaşası nümayiş olunacaq. Tamaşanın quruluşçu rejissoru Mehriban
Ələkbərzadədir.
Qeyd edək ki, tamaşa həmçinin 18 və 19 mayda da nümayiş olunacaq.
Biletlərin qiyməti: 8-15 AZN
Azərbaycan Dövlət Rus Dram Teatrında saat 19:00-da “Üç gözəl” tamaşası nümayiş
etdiriləcək. Tamaşanın rejissoru Aleksandr Şarovskidir. Rollarda Ayan
Mirqasımova, Mələk Abaszadə, Mədinə Mollayevadır.
Biletlərin qiyməti: 15 AZN
“M Teatr”da saat 19:00-da “Vidalaşmadan getməyin” adlı tamaşa oynanılacaq.
Tamaşanın müəllif Rövşən Ağayev, quruluşçu rejissoru Vidadi Həsənov, bəstəkarı
Vüqar Məmmədzadə, baş rolun ifaçısı Oqtay Mehdiyevdir.
Biletlərin qiyməti: 10 AZN
Azərbaycan Dövlət Kukla Teatrında saat 12:00 və 14:00-da “Əlibaba və 40 quldur”
adlı tamaşa nümayiş olunacaq.
Biletlərin qiyməti: 5 AZN
18 may
Azərbaycan Dövlət Kukla Teatrında saat 12:00, 14:00 və 16:00-da “Oyaq gözəl”
adlı tamaşa nümayiş olunacaq.
Biletlərin qiyməti: 5 AZN
Azərbaycan Dövlət Rus Dram Teatrında saat 12:00-da “Düyməcik” adlı tamaşa
nümayiş olunacaq.
Biletlərin qiyməti: 5 AZN
Azərbaycan Dövlət Gənc Tamaşaçılar Teatrında saat 12:00-da “Tıq-tıq xanım”
adlı tamaşa göstəriləcək.
Biletlərin qiyməti: 7-10 AZN
“M Teatr”da saat 19:00-da “Yad qadının məktubu” adlı tamaşa nümayiş olunacaq.
Biletlərin qiyməti: 10-20 AZN
Azərbaycan Dövlət Gənc Tamaşaçılar Teatrında saat 19:00-da “Mənim ağ
göyərçinim” adlı tamaşa göstəriləcək.
Biletlərin qiyməti: 8-10 AZN
19 may
Azərbaycan Dövlət Gənc Tamaşaçılar Teatrında saat 12:00-da “Şirinlər”, saat
19:00-da isə“Müsyö Jordan və dərviş Məstəli şah” adlı tamaşalar göstəriləcək.
Biletlərin qiyməti: 7-10 AZN
Şuşa Dövlət Musiqili Dram Teatrında saat 19:00-da “Solğun Çiçəklər” tamaşası
nümayiş olunacaq.
Biletlərin qiyməti: 7-10 AZN
Azərbaycan Dövlət Kukla Teatrında saat 12:00, 14:00, 16:00 və 18:00-da “Qoğal”
adlı tamaşa nümayiş olunacaq.
Biletlərin qiyməti: 5 AZN
Xanım Aydın
