Bakıda hədə-qorxu ilə tələb etmədə şübhəli bilinən şəxs tutuldu
Bakıda hədə-qorxu ilə tələb etmədə şübhəli bilinən şəxs tutulub.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, paytaxt sakini olan bir nəfərə hədə-qorxu gələn şəxsin ondan
1000 manat alması, sonradan yenə də pul tələb etməsi barədə polisə məlumat
daxil olub.
Xəzər Rayon Polis İdarəsinin 3-cü Polis Şöbəsi əməkdaşlarının keçirdikləri
əməliyyat tədbiri nəticəsində hədə-qorxu ilə tələb etmədə şübhəli bilinən
Sabirabad rayon sakini, əvvəllər məhkum olunmuş Əlişan Yediyarov saxlanılıb.
Faktla bağlı araşdırma aparılır.