Sabunçu rayonunda 2 avtomobil toqquşub, sürücülər yaralanıblar.
ÇıxışYolu.Com bildirir ki, Yeni Ramana qəsəbəsində “Mercedes” və digər minik avtomobilinin toqquşması nəticəsində 1971-ci il təvəllüdlü Həsənov Şahin Qoçu oğlu və 1962-ci il təvəllüdlü Bağırov Məmməd Kərəm oğlu xəsarət alıb.
Hər iki yaralı təcili olaraq xəstəxanaya çatdırılıb. Ş.Həsənova ilkin tibbi yardım göstərildikdən sonra ambulator müalicəyə göndərilib.
M.Bağırovun vəziyyəti orta-ağır olduğundan reanimasiya şöbəsinə yerləşdirilib.
Faktla bağlı Sabunçu Rayon Polis İdarəsində araşdırma aparılır.
Kamil Əmirli