Bakıda qəzalı vəziyyətdə olan binalar ən çox hansı rayonlardadır? – VİDEO
Bizim WhatsApp kanalımıza buradan abunə ola bilərsiniz
“Qəzalı vəziyyətdə olan binaların söküntüsü əsasən Bakı şəhərinin mərkəzi
rayonlarını əhatə edəcək”.
“Xezerxeber.az”ın məlumatına görə, bunu əmlak eksperti Elnur Fərzəliyev deyib.
Onun sözlərinə görə, indiyə qədər Bakının müxtəlif ərazilərində istismar
müddətini başa vurmuş bir neçə bina sökülüb, amma bəzi yerlərdə çox sayda belə
bina qalmaqdadır.
E.Fərzəliyev açıqlayıb ki, ən çox qəzalı vəziyyətdə olan bina Nəsimi,
Nərimanov, Yasamal və Səbail rayonlarındadır.
Əmlak eksperti Ramil Osmanlı isə bildirib ki, nəninki mərkəzi hissələrdə,
paytaxtın digər ərazilərində də onlarla qəzalı vəziyyətdə olan bina var.
Ekspertin sözlərinə görə, Bakıda 1970-ci ildən əvvəl tikilmiş yaşayış binaları
var ki, onlar ipoteka üçün də yararsız hesab olunur.
O əlavə edib ki, qəzalı vəziyyətdə olan binalar çox olduğuna görə, onların
söküntüsü mərhələli şəkildə həyata keçirilə bilər.
Mövzu ilə bağlı daha ətraflı videomaterialı təqdim edirik: