Bakıda qayınata kürəkənini bıçaqlayıb
Bakının Sabunçu rayonunda bıçaqlanma hadisəsi baş verib.
APA xəbər verir ki, hadisə Yeni Ramana qəsəbəsində qeydə alınıb.
1986-cı il təvəllüdlü Malik Hüseynov yaşadığı fərdi yaşayış evində qayınatası
ilə dava edib. Dava zamanı qayınatası bıçaqla M.Hüseynova zərbə vurub.
Yaralı xəstəxanaya yerləşdirilib. O, sağ budun kəsilmiş-deşilmiş xəsarətləri
ilə cərrahi əməliyyat edilib.
Faktla bağlı Sabunçu Rayon Polis İdarəsində araşdırma aparılır.