“Bakının Kiyevə hərbi təyinatlı yardımı ilə bağlı tirajlanan xəbər tamamilə
yalandır” – RƏSMİ AÇIQLAMA + FOTO
Bizim WhatsApp kanalımıza buradan abunə ola bilərsiniz
“Azərbaycanın Ukraynaya hərbi təyinatlı yardım göstərməsi ilə bağlı tirajlanan
xəbər tamamilə yalandır”.
Bu barədə Medianın İnkişafı Agentliyinin açıqlamasında bildirilib:
“Azərbaycan top mərmisi istehsal etmir və bu iddia sadəcə cəfəngiyyatdır.
Azərbaycan humanizm prinsiplərini əsas götürərək Ukraynaya yalnız humanitar
dəstək göstərir.
Ukrayna bayrağı ilə jurnalist olduğu deyilən şəxsin çəkildiyi şəklin
Azərbaycanla heç bir əlaqəsi yoxdur.
Medianın İnkişafı Agentliyi olaraq yerli və xarici sosial media
istifadəçilərini bu kimi cəfəng xəbərlərə ehtiyat və həssaslıqla yanaşmağa
çağırırıq”, – deyə qurumdan bildirilib.
