Bu ilin əvvəlindən banklar tərəfindən nağd xarici valyutanın alqı-satqısı üzrə aparılan əməliyyatların həcmi 1.4 mlrd. ABŞ dollar ekvivalentində olub.
ÇıxışYolu.Com xəbər verir ki, mübadilə əməliyyatlarının həcmi ötən ilin müvafiq dövrü ilə müqayisədə 80.3% artıb.
Cari ilin I rübündə kommersiya bankları tərəfindən nağd ABŞ dollarının alışı 594.2 mln, satışı isə 517.8 mln dollar məbləğində olub. Alışlar satışları 76.4 mln. dollar üstələyib.
Avro ilə əməliyyatlara gəlincə, nağd avro alışı 43 mln, satışı 147 mln avro olub. Beləliklə satışlar alışları 104 mln. avro üstələyib.
Digər valyutalar (İngilis funt sterlinqi və Rus rublu) üzrə banklar tərəfindən nağd alışların məbləği 60.7 mln. ABŞ dolları ekvivalentində, nağd satışların məbləği isə 24.7 mln. ABŞ dolları ekvivalentində olub.
Aylar üzrə nağd ABŞ dolları üzrə əməliyyatların dinamikasına nəzər yetirdikdə görərik ki, banklar tərəfindən yanvar və fevral aylarında alışlar satışları, mart ayında isə satışlar alışları üstələyib.