“Barselona”dan möhtəşəm geridönüş: Səkkiz dəqiqəyə üç qol vurdular – VİDEO
Son İspaniya çempionu “Barselona” La Liqanın VI turunda “Selta” ilə qarşılaşıb.
Cixisyolu.com xəbər verir ki, Kataloniya təmsilçisi öz meydanında çətin qələbə
qazanıb – 3:2.
Matçda hesabı 19-cu dəqiqədə qonaqların heyətində Yorgen Larsen açıb. 76-cı
dəqiqədə Anastasios Duvikas fərqi iki topa çatdırıb.
Lakin “Barselona” təslim olmayıb. Xavinin komandası səkkiz dəqiqə ərzində
geridönüş edib. 81-ci dəqiqədə fərqi azaldan Robert Levandovski dörd dəqiqə
sonra hesabda tarazlıq yaradıb. 89-cu dəqiqədə Joau Kanselu katalonlara qələbə
qazandıran qolu vurub.
Bu qələbədən sonra xallarını 16-ya çatdıran “Barsa” ən azı birgünlük zirvəni
ələ keçirib. “Selta” dörd xalla 17-cidir.