4ff1c593-a461-49b9-8174-c672729de7d4..jpg

Baş katib: “Orta Dəhliz TDT-yə üzv ölkələrə fayda gətirəcək” – VİDEO

Baxış sayı: 845 dəfə baxılıb.

Baş katib: “Orta Dəhliz TDT-yə üzv ölkələrə fayda gətirəcək” – VİDEO

“Orta Dəhliz Türk Dövlətləri Təşkilatının (TDT) bütün üzv ölkələrinə fayda
gətirəcək”.

Bu barədə Təşkilatının baş katibi Kubanıçbek Omuraliyev martın 3-də “Trend”ə
açıqlamasında deyib.

Baş katibin sözlərinə görə, Ukraynadakı müharibənin fonunda ənənəvi yollar
bağlandığından Orta Dəhliz getdikcə aktuallıq qazanır.

“Orta Dəhliz, əlbəttə, ilk növbədə bizim ölkələrə və bütünlükdə regiona fayda
gətirəcək. Bu yaxında Azərbaycan, Türkiyə və Türkmənistan prezidentləri bu
məsələni müzakirə ediblər”, – Omuraliyev deyib.

O, bundan əvvəl Səmərqənd şəhərində keçirilən Şanxay Əməkdaşlıq Təşkilatının
(ŞƏT) sammitində TDT ölkələrinin ərazisindən keçərək Avropaya uzanan
Çin-Qırğızıstan-Özbəkistan dəmir yolu layihəsi ilə bağlı mühüm sənədin
imzalandığını xatırladıb.

“Bu layihənin reallaşmasının birinci mərhələsi artıq başlayıb. Nəqliyyat
dəhlizlərinin bu kimi layihələri çox aktualdır və təkcə bizim ölkələrə deyil,
bütünlükdə regiona fayda gətirəcək”, – Omuraliyev əlavə edib.

Qeyd edək ki, hazırda Orta Dəhliz Avropaya ən qısa və daha qənaətli marşrut
təklif edir.

Bu ay ərzində Azərbaycanda dəhlizin keçdiyi ölkələrin gömrük xidmətlərinin
rəhbərlərinin iştirakı ilə Orta Dəhliz vasitəsilə tranzit prosedurlarının
sadələşdirilməsi və unifikasiyası üzrə böyük konfransın keçirilməsi
planlaşdırılır. Konfransda bu ölkələrin gömrük xidmətləri ilə birgə görülməli
tədbirlər müzakirə olunacaq.


Source link