Benzema Fransanın daxili işlər nazirini məhkəməyə verib
Bizim WhatsApp kanalımıza buradan abunə ola bilərsiniz
Səudiyyə Ərəbistanının “Əl-İttihad” klubunun fransalı futbolçusu Kərim Benzema
Fransanın daxili işlər naziri Cerald Darmanini məhkəməyə verib.
Buna nazirin hücumçunu “Müsəlman Qardaşlar” islamçı təşkilatı ilə əlaqədə
ittiham etməsi səbəb olub.
2023-cü ilin oktyabrında Darmanin CNEWS telekanalına bildirib ki, Benzemanın
“hamının bildiyi kimi, “Müsəlman Qardaşları” ilə əlaqələri var”.
Qeyd edək ki, Benzema 36 yaşındadır və 2023-cü ilin yayında “Əl İttihad”a
keçib. Hücumçu komandanın heyətində 20 oyun keçirib, 12 qol vurub, beş
məhsuldar ötürmə edib. Bundan əvvəl Benzema İspaniyanın “Real Madrid” klubunda
oynayıb, beş dəfə Çempionlar Liqasının qalibi olub və 2022-ci ildə “Qızıl top”u
qazanıb.
Mənbə: TASS