Boliviya millisinin keçmiş müdafiəçisi matç zamanı qətlə yetirilib
Bizim WhatsApp kanalımıza buradan abunə ola bilərsiniz
Boliviya millisinin sabiq müdafiəçisi Serxio Hauregi Meksikada həvəskar futbol
matçı zamanı meydançada güllələnib. Bu barədə “Proceso” məlumat yayıb.
Məlumata görə, oyun zamanı 38 yaşlı Hauregi su içmək üçün yan xəttə yaxınlaşıb
və bu zaman bir kişi onun yanına qaçaraq odlu silahdan altı atəş açıb və
naməlum istiqamətdə gözdən itib. Heç kim hücumçunu dayandırmağa çalışmayıb.
Qeyd edək ki, Serxio peşəkar karyerasını 2012-ci ildə başa vurub. Boliviya
millisinin heyətində 13 oyun keçirib ki, onlardan doqquzu dünya çempionatının
seçmə mərhələsinin bir hissəsi olub. Serxio 2004-2005-ci illərdə milli
komandada çıxış edib.
Mənbə: Championat