Böyük Britaniya əhalisinin 31 faizi Aİ-yə qayıtmaq istəyir
Bizim WhatsApp kanalımıza buradan abunə ola bilərsiniz
Britaniyalıların 70 faizdən çoxu Avropa İttifaqı (Aİ) ilə əlaqələrin
gücləndirilməsinin tərəfdarı olub.
Bu statistika Böyük Britaniyanın “YouGov” araşdırma şirkətinin sorğusuna
əsasən məlum olub.
Şirkətin məlumatına görə, respondentlərin 31 faizi Böyük Britaniyanın Avropa
İttifaqına qayıtması ideyasını dəstəkləyib. Bununla belə, respondentlərin daha
11 faizi Londonun Avropa İttifaqına üzv olmadan vahid bazara qayıtmasının
tərəfdarı olub.
Digər 30 faizi isə Böyük Britaniyanın daxili bazara qoşulmadan Aİ ilə ticarət
əlaqələrini gücləndirməsinin tərəfdarı olub.
Beləliklə, məlum olub ki, britaniyalıların əksəriyyəti Londonla Brüsselin
yaxınlaşmasını müsbət qiymətləndirir.
Üstəlik, “YouGov”un məlumatına görə, bir çox respondent (52 faiz) Britaniyanın
Aİ-dən çıxmaq qərarının yanlış olduğunu bildirib.
Qeyd edək ki, Böyük Britaniya 47 illik üzvlükdən sonra 2020-ci ildə Avropa
İttifaqını tərk edib.
Mənbə: osnmedia.ru