“Böyük Dəbilqə”: Azərbaycanın daha bir cüdoçusu gümüş medal qazanıb – YENİLƏNİB
Bizim WhatsApp kanalımıza buradan abunə ola bilərsiniz
Azərbaycanın daha bir cüdoçusu Türkiyənin Antalya şəhərində keçirilən “Böyük
Dəbilqə”də gümüş medal qazanıb.
Cixisyolu.com xəbər verir ki, 90 kq çəki dərəcəsində mübarizə aparan Vüqar Talıbov
finalda yaponiyalı Sanşiro Muraoya uduzub.
Beləliklə, yığma yarışı iki gümüş medalla başa vurub. Daha əvvəl Rəşid
Məmmədəliyev (73 kq) eyni mükafata sahib çıxıb.
16:30
Azərbaycanın daha bir cüdoçusu Türkiyənin Antalya şəhərində keçirilən “Böyük
Dəbilqə”də finala yüksəlib.
Cixisyolu.com-ın məlumatına görə, 90 kq çəki dərəcəsində mübarizə aparan Vüqar
Talıbov həlledici raunda vəsiqə qazanıb.
Bu gün tatamiyə çıxan Uşangi Kokauri və Camal Qamzatxanov (hər ikisi +100 kq)
medal şanslarını itiriblər.
Qeyd edək ki, turnirdə daha əvvəl Azərbaycanın altı cüdoçusu qüvvəsini
sınayıb. Yalnız Rəşid Məmmədəliyev finalda uduzaraq (73 kq) gümüş medal qazanıb.
11:12
Bu gün Azərbaycanın daha üç cüdoçusu Türkiyənin Antalya şəhərində keçirilən
“Böyük Dəbilqə” turnirində mübarizəyə başlayacaq.
Cixisyolu.com xəbər verir ki, yarışın sonuncu günündə Vüqar Talıbov (90 kq), Uşangi
Kokauri və Camal Qamzatxanov (hər ikidi +100 kq) tatamiyə çıxacaqlar.
Qeyd edək ki, turnirdə daha əvvəl Azərbaycanın altı cüdoçusu qüvvəsini
sınayıb. Yalnız Rəşid Məmmədəliyev (73 kq) gümüş medal qazanıb.