Böyük Dəbilqə: Azərbaycanın üç cüdoçusu mübarizəyə başlayır
Azərbaycanın üç cüdoçusu bu gün Fransanın paytaxtı Parisdə start götürəcək
Böyük Dəbilqədə mübarizəyə başlayacaq.
“Report”un məlumatına görə, 60 kq çəki dərəcəsində çıxış edən Balabəy Ağayev
1/16 final mərhələsində Matteus Takaki (Braziliya) – Petros Çristodoulides
(Kipr) cütünün qalibi ilə üz-üzə gələcək.
66 kq-da mübarizə aparan Yaşar Nəcəfov eyni raundda An Cehonq (Cənubi Koreya)
– Cerard Kadet (Haiti) duelinin güclüsü ilə qarşılaşacaq.
73 kq çəki dərəcəsində çıxış edən Nurlan Osmanov 1/32 finalda İdo Levinlə
(İsrail) münasibətlərə aydınlıq gətirəcək.
Qeyd edək ki, Böyük Dəbilqəyə fevralın 5-də yekun vurulacaq.