Brüsseldə bu gün Azərbaycan-Ermənistan münasibətlərinin normallaşdırılması
müzakirə ediləcək
Avropa İttifaqı (Aİ) ölkələrinin xarici işlər nazirləri bu gün Brüsseldə
keçiriləcək görüşdə Ukraynaya hərbi yardım və təhlükəsizlik təminatları,
Türkiyə və Çin ilə münasibətlər kimi məsələlərlə yanaşı, Ermənistanla
Azərbaycan arasında münasibətlərin normallaşdırılmasını da müzakirə edəcəklər.
Bu barədə yüksəksəviyyəli Avropa mənbəsindən xəbər verilib.
Bildirilir ki, XİN Şurasının iclası BMT-nin insan hüquqları üzrə
nümayəndəsinin iştirakı ilə işçi səhər yeməyi ilə başlayacaq.
“Sonra Xarici İşlər Nazirliyi Şurasının əsas iclası başlayacaq və iclas üç
mövzuya həsr olunacaq: Ukraynadakı münaqişə, iqtisadi təhlükəsizliyin xarici
siyasət aspekti, həmçinin Türkiyə ilə münasibətlər”, – deyə mənbədən bildirilib.
Məlumata görə, günün ikinci yarısında Aİ xarici işlər nazirləri ABŞ Dövlət
katibi Antoni Blinkenlə genişspektrli məsələlər üzrə onlayn müzakirə
aparacaqlar. Qeyd olunur ki, Blinkenlə müzakirələr üçün dəqiq gündəm olmasa da,
Ukrayna münaqişəsi və Çinlə münasibətlər ətrafında fikir mübadiləsinin davam
etdiriləcəyi gözlənilir.
Görüşün sonunda nazirlər cari məsələləri, o cümlədən Çin, Latın Amerikası və
Karib hövzəsi ölkələri ilə iyulun 17-18-də keçirilmiş sammitin nəticələrini,
Ermənistanla Azərbaycan arasında münasibətlərin normallaşdırılması və s.
məsələləri müzakirə edəcəklər.
Mənbə: İnterfaks