İngiltərəli hakim Maykl Oliver Çempionlar Liqasının 1/4 final mərhələsində “Real” və “Yuventus” arasında keçirilən qarşılaşmadakı qərarına görə ölümlə təhdid edilir.
ÇıxışYolu.Com-ın xəbərinə görə. bu barədə “Football Italia” yazır.
Nəşrin məlumatına əsasən, arbitr sosial şəbəkələrdə qeydiyyatda yoxdur, bu səbəbdən fanatlar ölüm ismarıclarını onu həyat yoldaşının Twitter səhifəsində qoyurlar. Oyundan sonra Lyusinin telefon nömrəsini sosial şəbəkələrdə yayılıb və ailənin ünvanına təhdidlər gəlməyə başlayıb.
Polis faktlarla bağlı artıq araşdırmaya başlayıb. Hüquq-mühafizə orqanları müəyyən ediblər ki, narazı azarkeşlər həmçinin hakimin evinin qapısını döyüblər və təhqir dolu ifadələr səsləndiriblər.
Xatırladaq ki, aprelin 11-də keçirilən qarşılaşmada “Real” “Yuventus”a 3:1 hesabı uduzsa da, Çempionlar liqasının yarımfinalına vəsiqə qazanıb, belə ki, komandalar arasındakı ilk qarşılaşma kral klubunun 3:0 hesablı qələbəsi ilə yekunlaşmışdı.
İkinci oyunda “Yuventus”un hesabda 3:0 öndə olduğu zaman Oliver 95-ci dəqiqədə italyanların qapısına penalti təyin etmişdi, həmçinin qapıçı Canluicci Buffonu meydançadan kənarlaşdırmışdı.
Maykl Oliver 2012-ci ildən Beynəlxalq Futbol Federasiyasının hakimidir. O, Çempionlar Liqasının hazırki mövsümündə beş oyuna baş hakim təyinatı alıb.