Cəbrayıl rayonunun Horovlu kəndinin gələcək görünüşü – VİDEO
Bizim WhatsApp kanalımıza buradan abunə ola bilərsiniz
İşğaldan azad edilən Cəbrayıl rayonunun Horovlu kəndinin gələcəkdə necə
olacağını nümayiş etdirən videoçarx yayımlanıb.
Cixisyolu.com xəbər verir ki, Şərqi Zəngəzur 1 saylı Bərpa, Tikinti və İdarəetmə
Xidmətinin hazırladığı videoda işğal illərində kəndin dağıntıları əks olunur,
eləcə də tamamilə yenidən qurulacaq kəndin yeni siması göstərilir.
Xatırladaq ki, Cəbrayıl rayonunun Horovlu kəndinin təməli bu il mayın 4-də
Prezident İlham Əliyev tərəfindən qoyulub. Birinci mərhələdə bu kənddə 1 395
nəfərin köçürülməsi üçün 334 fərdi evin tikintisi planlaşdırılıb.
Həmçinin, işğaldan azad olunmuş Cəbrayıl rayonunun Horovlu kəndinə köçürüləcək
əhalinin içməli su tələbatını qarşılamaq üçün kəhrizlərin bərpası istiqamətində
işlərə başlanılıb.