Cəlilabadda qəza: Ölən var – FOTO
Bizim WhatsApp kanalımıza buradan abunə ola bilərsiniz
Ələt-Astara avtomobil yolunda ağır yol-nəqliyyat hadisəsi baş verib.
Daxili İşlər Nazirliyinin (DİN) Baş Dövlət Yol Polisi İdarəsi (BDYPİ) Mətbuat
Xidmətindən bildirilib ki, hadisə saat 15:30 radələrində Ələt-Astara
magistralının 123 km-də Cəlilabad rayonunun Göytəpə şəhəri ərazisində qeydə
alınıb.
“Hyundai Getz” markalı minik avtomobili Astara istiqamətində hərəkətdə
olarkən, eyni istiqamətdə Lənkəran rayon sakini, 1957-ci il təvəllüdlü Şamil
Suli oğlu Mirzəyevə məxsus nasaz vəziyyətdə dayanan “Mercedes-Benz” markalı
avtomobilə arxadan çırpılıb.
Qəza nəticəsində “Mercedes-Benz” avtomobilinin yanında dayanan sürücü
Ş.Mirzəyev aldığı xəsarətlərdən hadisə yerində ölüb.
Faktla bağlı araşdırma aparılır.
