Rusiyanın Bryansk bölgəsində heroin ticarəti ilə məşğul olan azərbaycanlı və tacik mühakimə olunacaq.
ÇıxışYolu.Com Rusiya KİV-ə istinadla xəbər verir ki, ötən ilin dekabrından bu ilin fevralınadək 24 yaşlı Tacikistan və 35 yaşlı Azərbaycan vətəndaşı vilayətdə bu işlə məşğul olublar.
Saxlanılan zaman şübhəlilərin üzərindən 300 qram heroin götürülüb.
Onlara qarşı külli miqdarda narkotik vasitənin qanunsuz əldə edilməsi və satılması maddəsi ilə ittiham irəli sürülüb. Məlumatlara görə, günahları sübuta yetirilərsə, onları 20 ilədək həbs və milyon rubla yaxın (15 min dollar – red.) cərimə cəzası gözləyir.