05398690-e88a-4547-b507-6f4f9287b52e..jpg

Çağırışa gecikən təcili tibbi yardımın həkimi vətəndaşı təhqir edib – İDDİA

Baxış sayı: 620 dəfə baxılıb.

Çağırışa gecikən təcili tibbi yardımın həkimi vətəndaşı təhqir edib – İDDİA
Bizim WhatsApp kanalımıza buradan abunə ola bilərsiniz

Bakı şəhər sakini təcili tibbi yardım briqadasından narazıdır.

Bu barədə Cixisyolu.com-a Ülvi Quliyev şikayət ünvanlayıb.

Xətai rayonu, Zığ yolu 29 ünvanında yaşayan Ü.Quliyev deyir ki, martın 9-da
qəfil halı pisləşib və 16:30-da təcili yardım briqadası çağırıb:

“Həkim saat 17:30-da gəldi. Gələn həkim məndən şəxsiyyət vəsiqəsini tələb etdi
və bildirdim ki, üstümdə deyil. O əsəbiləşərək, “vəsiqəni üstündə saxla” dedi.
Daha sonra təzyiqimi ölçdü və maqnezium vurmağa çalışdı. Ona bildirdim ki,
həmin iynə mənə pis təsir edir və imtina edirəm. Həkim mənim istəyimə heç bir
məhəl qoymaq istəmədi, səsimi kəsib sakit oturmağımı bildirərək məni təhqir
etdi.

Mənim şərəf və ləyaqətimi təhqir etdiyi üçün imtina etdim. İcbari Tibbi
Sığorta üzrə Dövlət Agentliyinə və Tibbi Ərazi Bölmələrini İdarəetmə Birliyinə
(TƏBİB) şikayət ünvanlasam da, mənə heç bir cavab verilmədi”.

Ü.Quliyev deyir ki, səhhəti pisləşdiyi üçün axşam saatlarında yenidən təcili
yardım çağırıb:
“Bu dəfə isə təcili yardım briqadası çağırışa 2 saat 20 dəqiqəyə gəlib”.

Cixisyolu.com tərəfindən məsələ barədə TƏBİB-ə sorğu ünvanlanıb.

İlhamə Əbülfət

Source link