İstanbulda keçirilən 13-cü Zanbaqlar festivalı meqapolisin sakinləri və qonaqlarının diqqətini cəlb etməyə davam edir.
ÇıxışYolu.Com xəbər verir ki, mədəniyyət sahəsində olan bu hadisə artıq ənənəyə çevirilib və hər il yaz fəslinin ən qaynar çağında təşkil edilir.
Festival çərçivəsində tarixi “Sultanahmet” meydanının ziyarətçiləri canlı zanbaqlardan düzəldilmiş xalçanı görə biliblər.
1734 kvadrat metrlik xalçanın hazırlanmasına 565 min zanbaq lazım olub.
İstanbulun qubernatoru Vasip Şahin qeyd edib ki, bu il İstanbulun fəth edilməsinin 565-ci ili qeyd olunur və məhz buna görə güllərdən yaradılan kompozisiyada 565 min zanbaqdan istifadə edilib.
Qubernatorun sözlərinə görə, bu il İstanbulun rayonlarında 125 növdə 30 milyon zanbaq əkilib.
İstanbulun sakinləri və qonaqları aprelin 30-dək dünyanın ən böyük zanbaqlardan ibarət xalçasından və rəngbərəng mənzərələrindən zövq ala biləcəklər.
