Baş Prokurorluq və Daxili İşlər Nazirliyi Respublika Narkoloji Mərkəzində baş verən yanğınla bağlı növbəti dəfə rəsmi məlumat yayıb.
ÇıxışYolu.Com-nun xəbərinə görə, məlumatda deyilir:
“Xəbər verilidiyi kimi, 2018-c…
Ətraflı
Category: Kriminal
Salyanda DYP postuna hücum edən şəxs həbs olundu
Salyan rayonunda Dövlət Yol Polisi (DYP) postuna silahlı hücum edən şəxs barəsində həbs qətimkan tədbiri seçilib.
ÇıxışYolu.Com xəbər verir, bunu Baş Prokurorluğun mətbuat xidmətinin rəhbəri Eldar Sultanov mətbuata açıqlamasında deyib.
E.Suıtanov bildirib ki, fakta görə Salyan rayon Prokurorluğunda Cinayət Məcəlləsinin 221.3-cü (Xuliqanlıq, silahdan və ya silah qismində istifadə edilən əşyaları tətbiq etməklə törədildikdə) və 315.2-ci ( Hakimiyyət nümayəndəsinə qarşı müqavimət göstərmə, həyat və sağlamlıq üçün təhlükəli olan zor tətbiq etmə) maddələri ilə cinayət işi başlanıb, Bağırov Orxan Cahangir oğlu təqsirləndirilən şəxs qismində cəlb olunmaqla məhkəmənin qərarı ilə barəsində həbs qətimkan tədbiri seçilib.
Qeyd edək ki, hadisə martın 2-də Ələt-Astara magistral yolunun Salyan rayonu ərazisindən keçən hissəsindəki postda, baş verib. Salyan şəhər Cəfər Cabbarlı küçəsində yaşayan 1988-ci il təvəllüdlü Bağırov Orxan Cahangir oğlu DYP postuna gələrək silahdan atəş açıb və sonra özünə məxsus minik avtomobili ilə hadisə yerindən uzaqlaşıb.
Salyan şəhərində isə ona yol polisləri tərəfindən “saxla” əmri verilsə də, o, buna məhəl qoymayıb və maşınla Kürsəngi kənd sakini, 1982-ci il təvvəllüdlü polis əməkdaşı Dəmirov Raqib Həmdulla oğluna xəsarət yetirib. Nəhayət həmin şəxs polis əməkdaşları tərəfindən saxlanılaraq şöbəyə gətirilib.
Ətraflı
Üç hüquqi şəxs barəsində cinayət işi başlanıb
Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin Əmək Münasibətlərinin Monitorinqi Mərkəzi tərəfindən tikinti sektorunda aparılmış monitorinqlər nəticəsində əmək müqavilələri olmadan işçilərin işə cəlb edilmələri faktları ilə bağlı 19 hüquqi və üç fiziki şəxs barəsində həmin Agentlikdən daxil olmuş 18 material Baş prokuror yanında Korrupsiyaya qarşı Mübarizə Baş İdarəsində araşdırılıb.
Baş Prokurorluğunun mətbuat xidmətindən ÇıxışYolu.Com-a verilən məlumata görə, aparılmış araşdırmalar nəticəsində üç hüquqi şəxs barəsində Cinayət Məcəlləsinin 162-1.1 (əmək müqaviləsi hüquqi qüvvəyə minmədən xeyli sayda işçilərin hər hansı işlərin yerinə yetirilməsinə cəlb edilməsi) və 308.1-ci (vəzifə səlahiyyətlərindən sui-istifadə) maddələri ilə cinayət işləri başlanıb.
“İ.N.V.” MMC-nin vəzifəli şəxsləri barəsində istintaq edilən cinayət işinin istintaqı başa çatdırılaraq baxılması üçün aidiyyəti məhkəməyə göndərilib, digər iki hüquqi şəxs barəsində başlanmış cinayət işləri üzrə istintaq yekunlaşmaq üzrədir.
Göstərilənlərlə yanaşı, araşdırmalar zamanı aşkar edilmiş qanun pozuntuları ilə bağlı digər prokuror təsir aktlarının tətbiq edilməsi də təmin edilib. Belə ki, 11 hüquqi şəxs barəsində İnzibati Xətalar Məcəlləsinin 192.1-ci (əmək qanunvericiliyinin pozulması), bir hüquqi şəxs barəsində isə həmin Məcəllənin 198.0.1-ci (əməyin mühafizəsi qaydalarının pozulması) maddələri ilə inzibati icraatın başlanması haqqında qərarlar qəbul edilib.
Toplanmış materiallar baxılması üçün aidiyyəti üzrə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə göndərilib, 12 halda fiziki şəxslərə və hüquqi şəxslərin rəhbərlərinə rəsmi xəbərdarlıq edilib.
Yol verilmiş qanun pozuntularının, onları doğuran səbəb və şəraitin aradan qaldırılması məqsədi ilə Vergilər Nazirliyinə doqquz, Əmək və Əhalinin Sosial Müdafiəsi Nazirliyinə isə 11 təqdimat göndərilib. Hazırda beş hüquqi və iki fiziki şəxs barəsində araşdırmalar davam etdirilir.
Araşdırmalar zamanı aşkar edilmiş faktlar üzrə əvvəllər əmək müqaviləsi olmadan işə cəlb edilmiş işçilərlə əmək müqavilələrinin bağlanması təmin edilib.
Baş prokuror yanında Korrupsiyaya qarşı Mübarizə Baş İdarəsi qeyri-rəsmi məşğulluğun qarşısının alınması, əmək münasibətlərinin rəsmiləşdirilməsinə nəzarətin gücləndirilməsi və vətəndaşların əmək hüquqlarının müdafiəsi istiqamətində aidiyyəti dövlət qurumları ilə əməkdaşlığını bundan sonra da davam etdirəcək.
Ətraflı
Dövlət Miqrasiya Xidməti 15 əcnəbini saxlayıb
Dövlət Miqrasiya Xidməti qanunsuz miqrasiyaya qarşı mübarizə tədbirlərini davam etdirir.
DMX-dən ÇıxışYolu.Com-a verilən məlumata görə, qanunsuz miqrasiyaya qarşı keçirilən tədbirlər zamanı yeddi nəfər Pakistan, altı nəfər Hindistan, iki nəfər Şri-Linka vətəndaşı olmaqla, ümumilikdə 15 əcnəbi saxlanılıb.
Araşdırma zamanı saxlanılan əcnəbilərdən iki nəfər Hindistan və iki nəfər Şri-Linka vətəndaşının Azərbaycana guya biznes fəaliyyəti ilə məşğul olmaq adı altında gəldikləri, lakin onların biznes sahəsində heç bir fəaliyyətlərinin olmadığı, müraciətlərinin yalnız ölkədə yaşamaq və sərbəst hərəkət etmək məqsədi daşıdığı məlum olub.
Saxlanılan digər əcnəbilərin ölkə ərazisində olma və yaşama qaydalarını pozduqları aşkar edilib. Bununla da əcnəbilər tərəfindən Azərbaycan Respublikasının miqrasiya qanunvericiliyinin tələblərinin pozulduğu müəyyən edilib və barələrində müvafiq inzibati tədbirlər görülüb.
Ətraflı
“Bulaq işi”nə görə həbs edilənlərə hökm oxunub – FOTO
Bakı Ağır Cinayətlər Məhkəməsində Tofiq Qaramizadə, Hüseyn Hüseynov, Bəhruz Rəfiyev, Fuad Əsgərov, Murtuza Tağıyev, Müzəffər Cəfərov, Araz Vəliyev və Süleyman Abdullayevın CM-nin 29,120.1 (qəsdən adam öldürməyə cəhd), 182 (hədə-qorxu yolu ilə tələb etmə), 221.2.1-ci (xuliqanlıq, bir qrup şəxs tərəfindən törədildikdə) və 221.3-cü (xuliqanlıq, silahdan və ya silah qisminə istifadə edilən əşyaları tətbiq etməklə törədildikdə) maddələri ilə təqsirləndirilmələrinə dair cinayət işi üzrə məhkəmə prosesi başa çatıb.
ÇıxışYolu.Com-ın məlumatına görə, 2016-cı il aprelin 21-də Səbail rayonunun Badamdar qəsəbəsində yerləşən “Bulaq” restoranında silahlı insident baş verib.
Hadisə zamanı Fuad Əsgərov və Bəhruz Rəfiyev “Makarov” markalı tapançadan açılan atəşlər nəticəsində yaralanıblar, Süleyman Abdullayev isə bıçaqlanıb.
Hər iki yaralını dostları Nərimanov rayonu ərazisində fəaliyyət göstərən “City Hospital”a gətirsələr də, 1-2 saatdan sonra araşdırmaya başlayan Bakı şəhər Baş Polis İdarəsi və Səbail rayon Polis İdarəsinin əməkdaşları yaralıların Kliniki Tibbi Mərkəzə köçürülmələrini təmin ediblər. Hadisə yerinə baxış zamanı beş ədəd giliz və qan nümunələri götürülüb,
Qeyd edək ki, polisə insident haqda ABŞ-ın Bakıdakı səfirinin müavini Derek Hoqan məlumat verib. İş ondadır ki, onun istifadəsində olan “Chevrolet” markalı avtomaşın restoranın yanında parklanıb, Hoqan özü isə səfirin evində qonaq olub. Açılan atəşlərdən biri maşına dəysə də, xoşbəxtlikdən sükan arxasında əyləşən sürücüdən yan keçib.
İş üzrə ibtidai istintaq Bakı şəhər Prokurorluğu tərəfindən aparılıb.
Məhkəmənin hökmü ilə S.Allahyarov 10 il, F.Əsgərov səkkiz il, T.Qaramizadə yeddi il, H.Hüseynov 4 il 6 ay, B.Rəfiyev və M.Cəfərov dörd il, S.Abdullayev, A.Vəliyev və M.Tağıyev üç il müddətinə azadlıqdan məhrumetmə cəzalarına məhkum olunublar.
Xatırladaq ki, məhkəmə prosesi ötən il fevralın 17-də başlayıb.
Keçmiş məhkumu güllələyən şəxsə hökm oxunub
Bakı Ağır Cinayətlər Məhkəməsində Bakı şəhər sakini Mikayıl Dəmirovun CM-nin 126.2.4-cü (qəsdən sağlamlığa ağır zərər vurma, ümumi təhlükəli üsulla və ya xuliqanlıqla əlaqədar törədildikdə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
ÇıxışYolu.Com-ın məlumatına görə, ötən il sentyabrın 6-da Balaxanı qəsəbəsi ərazisindən qəsəbə sakini, əvvəllər məhkum olunmuş Etibar Məhərrəmov (1991-ci il təv.) qırma yarası ilə 3 saylı şəhər klinik xəstəxanasına gətirilib və onun üzərində cərrahi əməlliyat aparılıb.
Həmin günün səhəri qəsəbədə yaşayan Mikayıl Dəmirli Sabunçu RPİ 12-ci polis bölməsinə gələrək, hadisənin münaqişə zəminində onun tərəfindən törədildiyini bildirib və istifadə etdiyi, lüləsi kəsilmiş “TOZ-12” markalı tüfəngi növbətçi hissəyə təhvil verib.
Məhkəmənin hökmü ilə təqsirləndirilən şəxs 11 il 6 ay müddətinə azadlıqdan məhrumetmə cəzasına məhkum olunub.
Ətraflı
Gömrükdə it narkotik tapıb
Biləsuvar Gömrük İdarəsinin “Qoşa Təpə” gömrük postunda İran ərazisindən Azərbaycana gələn Azərbaycan vətəndaşının idarə etdiyi sərnişin avtobusuna baxış keçirilib.
Dövlət Gömrük Komitəsindən (DGK) ÇıxışYolu.Com-a verilən məlumata görə, kinoloji xidmət itinin tətbiqi ilə keçirilən baxış zamanı xidməti it avtobusun iki sərnişin oturacağına reaksiya verib.
Xidməti itin reaksiyasına əsasən, həmin oturacaqların ətrafı əsaslı yoxlanılıb.
Nəticədə, avtobusun yan divarına tərəf olan oturacağın üzlüyünün altında iki ədəd bükümdə, xalis çəkisi 93,18 qram olan narkotik vasitə – heroin aşkar edilib.
Ətraflı
Azərbaycanda hakimlər cəzalandırılıb
Məhkəmə fəaliyyətinin təkmilləşdirilməsi üzrə tədbirlər çərçivəsində 12 hakim intizam məsuliyyətinə cəlb edilib, 1 nəfərin hakimlik səlahiyyətlərinə vaxtından əvvəl xitam verilib, 1 nəfər intizam qaydasında tutduğu vəzifədən azad olunub.
ÇıxışYolu.Com-ın məlumatına görə, bu barədə Məhkəmə-Hüquq Şurasının bu gün keçirilən növbəti iclasında deyilib
İclasda ötən il hakimliyə namizədlərin seçimi prosesinin davam etdiyi, şəffaf prosedurlarla keçirilmiş imtahanlarda müvəffəqiyyət qazanmış 126 namizədin 2017-ci ilin yanvar ayından uzunmüddətli tədrisə cəlb edildiyi vurğulanıb. Kurs zamanı onların beynəlxalq təcrübəni öyrənmələrinə xüsusi önəm verilib, bütün hakimliyə namizədlər Türkiyədə, habelə Avropa İnsan Hüquqları Məhkəməsində nəzəri və praktiki təlimlər keçiblər.
Şurada qanunvericiliyin tələblərinin pozulmasına və korrupsiyaya şərait yaradan hallara yol verilməsinə görə Bakı şəhəri Xəzər rayon məhkəməsinin hakimi Samir Mayılovun iş yerinin intizam qaydasında dəyişdirilməsi barədə qərar qəbul edilib, Binəqədi rayon məhkəməsinin hakimi Mirheydər Zeynalova töhmət verilib, Nəsimi rayon məhkəməsinin hakimi Elman İsayev və irad tutulub, habelə 1 hakim barədə intizam icraatı başlanılıb.
Ətraflı
Sumqayıtda iki uşaq anasını zorlayıb öldürən idmançı cəzalandırıldı – FOTO
Bakı Ağır Cinayətlər Məhkəməsində Sumqayıt şəhər sakini Fəttah Nuriyevin (1988-ci il təv.) CM-nin 120.1-ci (qəsdən adam öldürmə) və 149.1-ci (zorlama) maddələri ilə təqsirləndirilməsinə dair cinayət işi üzrə məhkəmə prosesi başa çatıb.
ÇıxışYolu.Com-ın məlumatına görə, ötən il avqustun 7-də Sumqayıt şəhəri 1-ci mikrorayon ərazisində şəhər sakini Sevda Bayramovanın meyiti tapılıb.
Hadisə yerinə cəlb olunan Sumqayıt şəhər polis idarəsi və şəhər prokurorluğunun əməkdaşları qadının boğularaq öldürüldüyünü müəyyən ediblər. İsti izlərlə şəhər sakini Fəttah Nuriyev tutulub.
İstintaqın gedişində məlum olub ki, Fəttah Nuriyev Sevda Bayramovaya hücum edərək, onunla zorla cinsi əlaqədə olub. Zorlama zamanı qadın qışqıraraq, insanları köməyə çağırıb.
Onun səsinin vətəndaşlar tərəfindən eşidilməməsi üçün Nuriyev qadının ağız və burnunu əli ilə bağlayıb. Buna görə qadın boğulmadan keçinib, qatil isə hadisə yerindən qaçıb.
Bəzi mətbuat orqanları məlumat yayıblar ki, S.Bayramova Sumqayıtda, orta məktəblərdən birinin direktor müavinin gəlini olub. Mərhum ailəli və iki uşaq anası olub. Saxlanılan F.Nuriyev isə 3-cü mikrorayonda yaşayıb, bir uşaq atasıdır, idmanla məşğul olub.
Məhkəmənin hökmü ilə F.Nuriyev 20 il azadlıqdan məhrumetmə cəzasına məhkum olunub.
Masallıda narkotik taciri polisin təqibindən qaçdı
Seyfəddin Hüseynov Kolumbiya narkobaronu və kokain kralı Pablo Eskabar olmasa da, Masallı rayonunda kifayət qədər tanınan iri narkotik vasitə alverçisidir.
Masallı Rayon Polis İdarəsindən ÇıxışYolu.Com-a daxil olan məlumata görə, hal-hazırda Masallı rayon hüquq-mühafizə orqanları Mollaoba kəndinin kafelərindən birində aparılan əməliyyat zamanı qaçmağa nail olmuş, əvvəllər məhkumluğu olan 47 yaşlı Seyfəddin Hüseynovu axtarır.
Əməliyyatın gedişində o, avtomobilində gizlənib. Bir müddətdən sonra polis əməkdaşları cinayətkarın maşınını kanalda aşkarlayıb, Hüseynovdan isə əsər-əlamət olmayıb.
Narkobaron kriminal aləmdə Seyfi adı ilə tanınır. Polisin verdiyi məlumata görə, Hüseynov güclü təsirli narkotik vasitələr və psixotrop maddələrin satışı ilə məşğul olur. Hüseynovun saxlanılması üçün Masallı rayonuna bölgənin bütün polis qüvvələri səfərbər edilib.
Ülvi Kərimov
www.ÇıxışYolu.Com