Category: Kriminal

Məhkəmə fəaliyyətinin təkmilləşdirilməsi üzrə tədbirlər çərçivəsində 12 hakim intizam məsuliyyətinə cəlb edilib, 1 nəfərin hakimlik səlahiyyətlərinə vaxtından əvvəl xitam verilib, 1 nəfər intizam qaydasında tutduğu vəzifədən azad olunub.

ÇıxışYolu.Com-ın məlumatına görə, bu barədə Məhkəmə-Hüquq Şurasının bu gün keçirilən növbəti iclasında deyilib

İclasda ötən il hakimliyə namizədlərin seçimi prosesinin davam etdiyi, şəffaf prosedurlarla keçirilmiş imtahanlarda müvəffəqiyyət qazanmış 126 namizədin 2017-ci ilin yanvar ayından uzunmüddətli tədrisə cəlb edildiyi vurğulanıb. Kurs zamanı onların beynəlxalq təcrübəni öyrənmələrinə xüsusi önəm verilib, bütün hakimliyə namizədlər Türkiyədə, habelə Avropa İnsan Hüquqları Məhkəməsində nəzəri və praktiki təlimlər keçiblər.

Şurada qanunvericiliyin tələblərinin pozulmasına və korrupsiyaya şərait yaradan hallara yol verilməsinə görə Bakı şəhəri Xəzər rayon məhkəməsinin hakimi Samir Mayılovun iş yerinin intizam qaydasında dəyişdirilməsi barədə qərar qəbul edilib, Binəqədi rayon məhkəməsinin hakimi Mirheydər Zeynalova töhmət verilib, Nəsimi rayon məhkəməsinin hakimi Elman İsayev və irad tutulub, habelə 1 hakim barədə intizam icraatı başlanılıb.

www.ÇıxışYolu.Com

Ətraflı

Bakı Ağır Cinayətlər Məhkəməsində Sumqayıt şəhər sakini Fəttah Nuriyevin (1988-ci il təv.) CM-nin 120.1-ci (qəsdən adam öldürmə) və 149.1-ci (zorlama) maddələri ilə təqsirləndirilməsinə dair cinayət işi üzrə məhkəmə prosesi başa çatıb. 

ÇıxışYolu.Com-ın məlumatına görə, ötən il avqustun 7-də Sumqayıt şəhəri 1-ci mikrorayon ərazisində şəhər sakini Sevda Bayramovanın meyiti tapılıb.

Hadisə yerinə cəlb olunan Sumqayıt şəhər polis idarəsi və şəhər prokurorluğunun əməkdaşları qadının boğularaq öldürüldüyünü müəyyən ediblər. İsti izlərlə şəhər sakini Fəttah Nuriyev tutulub.

İstintaqın gedişində məlum olub ki, Fəttah Nuriyev Sevda Bayramovaya hücum edərək, onunla zorla cinsi əlaqədə olub. Zorlama zamanı qadın qışqıraraq, insanları köməyə çağırıb.

Onun səsinin vətəndaşlar tərəfindən eşidilməməsi üçün Nuriyev qadının ağız və burnunu əli ilə bağlayıb. Buna görə qadın boğulmadan keçinib, qatil isə hadisə yerindən qaçıb. 

Bəzi mətbuat orqanları məlumat yayıblar ki, S.Bayramova Sumqayıtda, orta məktəblərdən birinin direktor müavinin gəlini olub. Mərhum ailəli və iki uşaq anası olub. Saxlanılan F.Nuriyev isə 3-cü mikrorayonda yaşayıb, bir uşaq atasıdır, idmanla məşğul olub.

Məhkəmənin hökmü ilə F.Nuriyev 20 il azadlıqdan məhrumetmə cəzasına məhkum olunub. 

.
www.ÇıxışYolu.Com

Ətraflı

Seyfəddin Hüseynov Kolumbiya narkobaronu və kokain kralı Pablo Eskabar olmasa da, Masallı rayonunda kifayət qədər tanınan iri narkotik vasitə alverçisidir.

Masallı Rayon Polis İdarəsindən ÇıxışYolu.Com-a daxil olan məlumata görə, hal-hazırda  Masallı rayon hüquq-mühafizə orqanları Mollaoba kəndinin kafelərindən birində aparılan əməliyyat zamanı qaçmağa nail olmuş, əvvəllər məhkumluğu olan 47 yaşlı Seyfəddin Hüseynovu axtarır. 

Əməliyyatın gedişində o, avtomobilində gizlənib. Bir müddətdən sonra polis əməkdaşları cinayətkarın maşınını kanalda aşkarlayıb, Hüseynovdan isə əsər-əlamət olmayıb.

Narkobaron kriminal aləmdə Seyfi adı ilə tanınır. Polisin verdiyi məlumata görə, Hüseynov güclü təsirli narkotik vasitələr və psixotrop maddələrin satışı ilə məşğul olur. Hüseynovun saxlanılması üçün Masallı rayonuna bölgənin bütün polis qüvvələri səfərbər edilib.

Ülvi Kərimov
www.ÇıxışYolu.Com

Ətraflı

Dövlət Sərhəd Xidmətinin (DSX) əməkdaşları tərəfindən qanunsuz olaraq Xəzər dənizi vasitəsilə ölkə ərazisinə narkotik vasitələrin qaçaqmal yolu ilə gətirilməsi cəhdinin qarşısı alınıb.

DXS-nin Mətbuat Mərkəzindən ÇıxışYolu.Com-a verilən məlumata görə, 2018-ci ilin fevral ayının 23-də Astara rayonu ərazisində DSX Sahil Mühafizəsinin texniki-müşahidə məntəqəsi tərəfindən naməlum üzmə vasitəsinin sərhəd sularımıza daxil olması və qısa müddət ərzində geri qayıtması müşahidə olunub.

Üzmə vasitəsinin sərhəd sularımızda hərəkət və dayanma koordinatları üzrə su səthinə baxış keçirilib, bir buya bərkidilmiş lövbərdə üç bağlama aşkar edilərək götürülüb.

Bağlamalara baxış zamanı 1325 qram marixuanaya, 560 qram heroinə və 80 qram kristal şəklində heroinə oxşar maddə aşkar olunub.

Fakt üzrə əməliyyat və istintaq tədbirləri davam etdirilir.

.
www.ÇıxışYolu.Com

Ətraflı

Bakı Apellyasiya Məhkəməsində Bakı şəhər sakini Fərhad Musayevin CM-nin 126.3-cü (qəsdən sağlamlığa ağır zərərvurma, ehtiyatsızlıqdan zərərçəkmişin şəxsin ölümünə səbəb olduqda) maddəsi ilə cinayət işi üzrə məhkəmə prosesi başa çatıb.

ÇıxışYolu.Com-ın məlumatına görə, ötən il martın 26-na keçən gecə Nəsimi rayonunda, Bülbül prospekti, 39-da fəaliyyət göstərən “DO RE Mİ” klubunda ölümlə nəticələnən dava baş verib. 

Belə ki, daxil olan məlumat əsasında Abşeron RPİ-nin əməkdaşları Xırdalan şəhərinin “Quşçuluq” yaşayış sahəsində yaşayan Rahil Məlikovun evində dostu Telman Məmmədovun üzərində zorakılıq əlamətləri olan meyitini aşkar ediblər. 

Araşdırma nəticəsində məlum olub ki, gecə Telman Məmmədov klubun inzibatçısı Fərhad Musayevlə mübahisə edib. Münaqişə zamanı Fərhad Telmanı yumruqla vurub və o, başından ağır xəsarət alıb. 

Vəziyyətinin ağır olduğunu görən Rahil Məlikov Telman Məmmədovu Xırdalanda yaşayan nənəsinin evinə gətirib. Bir neçə saatdan sonra ağır vəziyyətdə qalan Məmmədov orada keçinib. 

Məlum olub ki, həmin gecə müğənni Orxan Babazadənin konsert proqramı olub, mərhumda dostu ilə həmin partidə iştirak edib. Səhərisi gün Fərhad Musayev saxlanılıb. 

Bakı Ağır Cinayətlər Məhkəməsinin hökmü ilə təqsirləndirilən şəxs 9 il 6 ay müddətinə azadlıqdan məhrum olunub.

Hökmdən məhkum apellyasiya şikayəti verib. 

Bakı Apellyasiya Məhkəməsi işin hallarını araşdıraraq F.Musayevin şikayətini təmin etməyib və birinci instansiya məhkəməsinin hökmünü qüvvədə saxlayıb. 

.
www.ÇıxışYolu.Com

Ətraflı

Ətraflı

Daşkəsən rayonunda baş vermiş qətl hadisəsi ilə bağlı bəzi təfərrüatı məlum olub.

ÇıxışYolu.Com-ın Report-a istinadən məlumatına görə, Əhmədli kəndində qətlə yetirilən eyniadlı kəndin 1975-ci il təvəllüdlü sakini Abbasova Mahizər Məhəmməd qızı əvvəllər bir dəfə ailəli olub və evlilikdən bir qızı və bir oğlu var.

Qadının qızı ərdədir və bir uşaq anasıdır. Oğlu isə 15 yaşındadır və hazırda Əhmədli kənd orta məktəbində oxuyur.

M.Abbasova rayonun 1978-ci il təvəllüdlü Çanaqçı kənd sakini Qorxmaz Bağırova görə öz ərindən boşanıb və illərdir özündən 3 yaş böyük olan Q.Bağırovla vətəndaş nikahında yaşayır. Eyni zamanda, Q.Bağırovun Çanaqçı kəndində rəsmi ailəsi və övladları var. Lakin məlumata görə isə, artıq o da, həyat yoldaşından boşanıb.

Kənd sakinlərinin verdiyi məlumata görə, qadının meyitini oğlu aşkar edib. Həmin gecə oğlu qonşuluqda olan bacısıgildə olub. Qadın oğluna həmin gün evə gəlməyəcəyini və tək qorxmaması üçün bacısıgilə getməsini istəyib. Səhər uşaq öz evlərinə qayıdanda anasını ölmüş vəziyyətdə görüb. Baş nahiyəsindən küt alətlə qətlə yetirilmiş qadının əvvəllər kiminləsə bir münasibətinin olmadığı bildirilir.

Hazırda hüquq-mühafizə orqanları hadisəni törətməkdə şübhəli bilinən Q.Bağırovun saxlanılması istiqamətində əməliyyat-axtarış tədbirləri həyata keçirirlər.

Çanaqçı kənd sakinləri bildiriblər ki, 1978-ci il təvəllüdlü Bağırov Qorxmaz Şamil oğlu sürücülüklə məşğuldur. 

Özünə məxsus “ZİL” markalı avtomobillə yük daşıyaraq dolanır. Ailəsi və 15-16 yaşlı bir qızı və bir oğlu var. Təxminən bir ay əvvəl həyat yoldaşı məhkəmə yolu ilə ondan boşanıb. Buna kişinin başqa qadınla vətəndaş nikahında yaşaması, eyni zamanda öz xalası qızı üçün 3500 manat məbləğində kredit götürməsi və həmin krediti xalası qızının yox, məhz Q.Bağırovun öz uşaqlarının boğazından kəsərək ödəməsi səbəb olub.

Bildirilir ki, o, xalası qızı adına olan krediti qeyri-rəsmi yaşadığı qadına görə götürüb. Q.Bağırovun 2017-ci ilin yanvar ayında sərxoş vəziyyətdə ictimai qaydanı pozduğuna görə 15 gün həbsdə olduğu da deyilir.

Faktla bağlı Daşkəsən Rayon Prokurorluğunda 120.1 (“Qəsdən adam öldürmə”) maddəsi ilə cinayət işi açılıb, istintaq gedir.

www.ÇıxışYolu.Com

Ətraflı

Daşkəsəndə qadın qeyri-rəsmi nikahda yaşadığı şəxs tərəfindən qətlə yetirilib.

ÇıxışYolu.Com APA-ya istinadən xəbər verir ki, hadisə rayonun Əhmədli kəndində baş verib.

Kənd sakini 1982-cü il təvəllüdlü Cəfərova Mahizər Məhəmməd qızı qeyri-rəsmi nikahda yaşadığı 1978-ci il təvəllüdlü Bəşirov Qorxmaz Şəmil oğlu tərəfindən başına küt alətlə vurularaq qətlə yetirilib.

Qətli törədən şəxs hadisə yerindən qaçıb. Hazırda onun saxlanılması istiqamətində tədbirlər görülür.

Məlumata görə, M.Cəfərova bir neçə il əvvəl rəsmi nikahda olduğu həyat yoldaşından boşanıb, bir oğlu və bir qızı var. Oğlu orta məktəbin 9-cu sinfində oxuyur, qızı isə ailəlidir, bir övladı var.

www.ÇıxışYolu.Com

Ətraflı

Bakıda gənc oğlanın bacaya düşməsinin detalları məlum olub.

Daxili İşlər Nazirliyinin mətbuat xidmətindən ÇıxışYolu.Com-a verilən xəbərə görə, fevralın 22-dən 23-nə keçən gecə Nizami rayonu ərazisində yerləşən “Alov” parkındakı “Alov” restoranının havalandırma sistemində bir nəfər naməlum şəxsin sıxılmış vəziyyətdə qalması barədə polisə məlumat daxil olub. 

Daxil olan məlumat əsasında hadisə yerinə polis və Fövqəladə Hallar Nazirliyinin əməkdaşları cəlb edilib. 

Həyata keçirilən tədbirlərlə bacaya düşən şəxs xilas edilərək xəstəxanaya yerləşdirilib.

Araşdırmalar nəticəsində xilas edilən şəxsin Abşeron rayon sakini, 30 yaşlı Mehralıyev Asif Çingiz oğlu olması müəyyən edilib.

DİN-in mətbuat xidmətindən həmçinin bildirilib ki, A.Mehralıyev guya kimlərsə tərəfindən bacaya atılmasıı barədə KİV-də yayılan məlumatlar həqiqətə uyğun deyil. 

Belə ki, A.Mehralıyev dindirilərkən məlum olub ki, o, iki gün əvvəl həmin restoranda işə düzəlibmiş. 

Hadisə baş verən gün isə A.Mehralıyev restoranın rəhbərliyindən icazə alaraq gedib. Yeyib-içdikdən sonra o, sərxoş vəziyyətdə işlədiyi restorandan oğurluq etmək niyyətinə düşüb. 

Bu məqsədlə də A.Mehralıyev gecə saat 02.00 radələrində restoranın havalandırma sistemi ilə içəriyə daxil olmaq istəyib. Lakin havalandırma sistemi dar olduğu üçün o hərəkətsiz vəziyyətdə qalıb və niyyətini başa çatdıra bilməyib

Hazırda A.Mehralıyevin xəstəxanada müalicəsi davam etdirilir.

Faktla bağlı Nizami Rayon Polis İdarəsi tərəfindən araşdırma aparılır.

www.ÇıxışYolu.Com

Ətraflı

Xətai rayonunda intihara cəhd hadisələri qeydə alınıb.

ÇıxışYolu.Com-ın Report-a istinadən xəbərinə görə, hadisələr Qaçaq Nəbi və Səməd bəy Mehmandarov küçələrində baş verib.

1992-ci il təvəllüdlü Əsədullayev Elşad Elşən oğlu və 1982-ci il təvəllüdlü Abbasov Ənvər oğurlanmış su nasoslarını Səməd bəy Mehmandarov küçəsində satarkən hüquq-mühafizə orqanlarının əməkdaşları onların izinə düşüb.

E.Əsədullayev qaçaraq Qaçaq Nəbi küçəsindəki evində gizlənməklə boğazını kəsərək intihara cəhd göstərib.

Ə.Abbasov isə qaçmağa macal tapmayıb. Lakin o da boğazını kəsərək məsuliyyətdən yayınmaq istəyib. 

Hər iki yaralı polislərin nəzarəti altında xəstəxanaya yerləşdirilib. Qeyd edək ki, onlar əvvəllər cinayət məcəlləsinin müxtəlif maddələri ilə həbsdə olublar.

Faktla bağlı araşdırma aparılır.

www.ÇıxışYolu.Com

Ətraflı