Category: Şou-biznes

Əməkdar artist Tünzalə Ağayeva yeni “Qoşa qanad” adlı bəstəsinə klip çəkdirib.

ÇıxışYolu.Com xəbər verir ki, ilk dəfə anime janrına müraciət edilərək hazırlanan klip bir neçə ay ərzində tamamlanıb.

Sənətçi klipini təqdim etmək və ətraflı məlumat vermək üçün media nümayəndələrini “Cinemaplus” kinoteatrına toplayıb.

Müxtəlif ziyalıların və qonaqların olduğu tədbirin aparıcılığını Murad Arif edib.

Tünzalənin keyfiyyət göstəricisi olduğunu bəyan edən Murad daha sonra sözü ekran işinin və mahnının ərsəyə gəlməsində əziyyət çəkən komandaya verib.

Tədbirdə çıxış edən “Qoşa qanad” adlı mahnının söz yazarı Yusif Nəğməkar Tünzalə ilə işləməkdən qürur duyduğunu deyib:

“Məni təsirləndirən bir məqam oldu ki, qərb janrında oxunan bir mahnıda “Ata” və “Ana” sözlərini Tünzalə elə səsləndirir ki, insan ürəyinə toxunur”.

Klipin rejissoru və ssenari müəllifi Emin Mirabdullayev Əməkdar artistin işinə məsuliyyətlə yanaşdığını söyləyib. 

Tədbirdə “Chameleon” animasiya studiyasının rəhbəri Natiq Zeynalov bildirib ki, indiyədək Azərbaycanda animasiya janrında kliplər çəkilsə də, burada kompüter qrafikasından yox, əl əməyindən istifadə edilib.

Ekran işinin rəssamı, illustrator Kənan Şeyxzamanlı isə Ağayevaya öz təşəkkürünü bildirib.

Müğənninin anası da qızını təqdimat zamanı yalnız buraxmayıb. Valideynlərə sevginin aşılandığı mahnı zaldakı tamaşaçılar tərəfindən alqışla qarşılanıb. 

Pərviz Hüseyn
Foto: Ehtiram Jabi
www.ÇıxışYolu.Com

Ətraflı

Türkiyənin TV8 kanalında yayımlanan “O səs Türkiyə” yarışmasında jürilərdən biri olan müğənni Gökhan Özoğuz yarışmadan ayrılır.

ÇıxışYolu.Com Türkiyə mətbuatına istinadən xəbər verir ki, bu barədə ifaçı özü açıqlama verib:

“Proqrama görə musiqidən uzaq qalmışam. Buna görə də televiziyadan uzaq qalıb, daha çox musiqi ilə məşğul olacam. Gələn ildən etibarən “O səs Türkiyə” jürisində olmayacam”.

Qeyd edək ki, indiyədək yarışmada Hülya Avşar, Ebru Gündeş, Sibel Can, MFÖ qrupu, Mustafa Sandal jürilik edib və yarışmadan ayrılıb.

Hazırda yarışmada jüri olaraq Yıldız Tilbe, Hadise, Murat Boz və Gökhan Özoğuz yer alır.

Pərviz Hüseyn
www.ÇıxışYolu.Com

Ətraflı

“Wistfulness” – mənim bəstəkar kimi iştirak etdiyim, Xocalı faciəsinə həsr olunmuş layihədir. Düşünürəm ki, insanlığa qarşı törədilmiş bu vəhşiliyə heç kimsoyuqqanlı baxa bilməz.

Bu sözləri ÇıxışYolu.Com-a açıqlamasında “Eurovision 2018” təmsilçimiz Aysel Məmmədova bildirib.

O, bu dəfə müğənni kimi yox, bəstəkar və pianoçu kimi kamera qarşısına keçib. Aysel yeni işi barədə fikirlərini belə izah edib:

“Hər bir azərbaycanlı kimi, o gecədə nələrin baş verdiyi haqqda düşünəndə belə, dərin kədər və daxili hüzün hissləri məni bürüyür. Məhz bu hisslər məni bu musiqini bəstələməyə vadar etdi.

Azərbaycanı bu il “Eurovision”da  təmsil edəcəyimi bilirsiniz; bu gün Avropanın mənə və sənətimə olan diqqəti kimi, bu imkanı qaçırmayıb, bəstəmi təqdim edərkən, məqsədlərimdən biri də sözügedən mövzunu bir az da ictimailəşdirmək, daha geniş kütləyə çatdırmaqdır.

Çoxları məni müğənni kimi tanıyır, amma bu layihə də mən oxumaq istəməyib, bəstəkar və pianoçu qismində iştirak etməyə qərar verdim.

Bəstədə eşitdiyiniz kamança səsi Azərbaycanın Xalq artisti Fəxrəddin Dadaşovun ifasıdır, muğam bölümünü isə istedadlı xanəndə Vüqar Əliyev ifa edib. Videogörüntünün ideyası və çəkilişi Azər Cəfərə aiddir.

Milli Konservatoriya kollektivinə, özəlliklə Firudin Quliyevə çəkilişdə göstərdikləri dəstəyə görə dərin təşəkkür edirəm.

Bu layihədə əməyi keçən hər kəsin adından və öz adımdan Azərbaycan xalqına, əsasən həmin gecədə zərər çəkmişlərin ailələrinə və yaxınlarına səbr diləyirəm”.

Pərviz Hüseyn
www.ÇıxışYolu.Com

Ətraflı

Xocalı faciəsinin 26-cı ildönümündə səssiz qalmayan məşhurlardan biri də aparıcı Aytən Səfərova olub.

ÇıxışYolu.Com xəbər verir ki, o, verilişinə çağırdığı qonağın söhbətlərindən sonra özünə gəlmədiyini bildirib:

“Bu gün verilişimizə (106.3 FM-də “Bumeranq”) Xocalı sakini, həmin günlərin canlı şahidi, 20 yaşında ikən ermənilərə əsir düşmüş və müsibətlər yaşamış Dürdanə Ağayevanı qonaq çağırmışdıq. Hələ də özümə gələ bilmirəm. Mənim üçün ayağa qalxıb yerimək belə çətindir. Sanki sönmüşəm. 

Qabağı görmürəm. 26 il ötür. Bu müddət ərzində böyümüşük, çox irəli getmişik, böyük nailiyyətlərə imza atmışıq və sair, amma… bu “amma” qanımızı sovurur, canımızı alır, ürəyimizdə xal salıb, kök atıb, dağ vurub. 

Donmuş uşaqların cəsədlərini görmək, qızlarımızın, qadınlarımızın, 5-6 yaşlı qız və oğlan balalarımızn başına gətirilən müsibətləri eşitmək insanı sümüyünün iliyindən silkələyib ayıldır. Ermənilərin doqquz yaşlı azərbaycanlı qızcığazın başına açdığı oyunları eşidib bilmək məni nəinki qadın və ana, bir insan kimi sarsıtdı.

Nə boyda – Qarabağ kimi dərdimiz var! O inildəyən balalarımızın, gəlinlərimizin, zorlanmış qızlarımızın namus-qeyrət, qolları, başları kəsilən uşaqların qanının qisası var…”

Səfərova qeyd edib ki, şou-biznes problemləri Qarabağ dərdini unutdurub: 

Bizsə gündə gic-gic mövzulara dair bir-birimizi qırırıq! Kim kimə tac taxdı, kim alverçiyə borclu qaldı, Aygündü sənətkar, ya Röya?! Və sair… 

Min xırda, səviyyəsiz “problem”ə səpələnib cilik-cilik oluruq, amma şəhidlərin, zorlanmış qız-gəlinlərimizin, orqanları çıxarılıb xaricə satılan bacı-qardaşlarımızın, övladlarımızın qanı hələ də yerdədir…”

Pərviz Hüseyn
www.ÇıxışYolu.Com

Ətraflı

Müğənni Dilarə Kazımova və Fransada Caz Akademiyasında dərs alan yeganə azərbaycanlı Etibar Əsədli yeni layihəyə imza atıblar.

ÇıxışYolu.Com xəbər verir ki, onlar Xocalı faciəsinin 26-cı il dönümü münasibətilə “613” adlı musiqi parçasını ərsəyə gətiriblər.

Layihədə muğamımıza da yer verən sənətçiləri Etibar Əsədlinin atası, Sahib Əsədli müşayiət edib.

Muğam və cazın sintezləşdirildiyi əsərdə muğam hissəsini Sahib Əsədli ifa edib. 

Nigar Məmmədli və Roman Minayevin ekranlaşdırdığı videoda Dilarə Kazımovanın ağlaması diqqət çəkib.

Pərviz Hüseyn
www.ÇıxışYolu.Com

Ətraflı

Yerli telekanallarımın bir-biri ilə etdiyi reytinq savaşı davam edir.

ÇıxışYolu.Com-ın məlumatına görə, proqramlarında istədiyi uğuru qazana bilməyən kanallar həmin verilişləri bağlamaqla, aparıcılarını dəyişməklə reytinqlərini artırmaq istəyirlər.

Belə ki, Xəzər Tv-də yayımlanan “Oyan Azərbaycan”ın aparıcısı Fira Cəlilovanın verilişi dayandırılır. Onun əvəzinə iki həftə sonra fərqli layihə ilə Çiçək Vakkas və Müşfiq Şahverdiyev çıxış edəcək. Fira Cəlilova isə işini radioda davam etdirəcək.

ARB telekanalında yayımlanan “Şənbə səhəri” verilişinin aparıcısı da dəyişdirilib.

Proqrama aparıcılıq edən prodüser Təranə Səmədova işindən uzaqlaşıb. Telekanaldan verilən məlumata görə, bundan sonra verilişdə aparıcılığı Günay Rəhimova edəcək.

“ARB”də digər dəyişiklik isə prodüser Sayqa Cahidin apardığı “Sayqa ilə bu axşam” verilişi ilə bağlıdır. Belə ki, proqram mart ayının 2-sindən sonra yayımlanmayacaq.

“Azad Azərbaycan” telekanalında da dəyişiklik olub. Bir neçə gündür Azər Axşamın aparıcılığını etdiyi “Bir axşam” verilişini Cavid Gül aparır.

Pərviz Hüseyn
www.ÇıxışYolu.Com

Ətraflı

Müğənni Niyam Salami həmkarı Samir Piriyevlə birlikdə yeni biznesə başlayıb.

ÇıxışYolu.Com xəbər verir ki, sənətçilərin Türkiyənin turizm cənnəti adlandırılan Bodrumda “Nissa” adlanan restoranı ötən gündən etibarən fəaliyyətə başlayıb.

Restoranın bütün dekorasiya işləri ilə maraqlanan Niyam və Samir Azəbaycan mətbəxini Türkiyədə sevdirmək, tanıtmaq iddiasındadırlar.

Qeyd edək ki, həmin restoranda sənətçilər özləri də səhnəyə çıxacaqlar.

Pərviz Hüseyn
www.ÇıxışYolu.Com

Ətraflı

2015-ci ilin mart ayında vəfat edən türkiyəli müğənni Erol Büyükburçun vəsiyyətnaməsi qızları arasında dava salıb.

ÇıxışYolu.Com xəbər verir ki, o, mülkiyyətində olan hər şeyi qızı Evren Büyükburça vəsiyyət edib.

Sənətçinin bu hərəkəti digər qızları Jeyan və Özlembüyükburçun etirazına səbəb olub.

“Duymayan Kalmasın” proqramında yayılan məlumata görə, onlar məhkəməyə müraciət edib.

Özlem Büyükburç isə atasının ikinci həyat yoldaşını ata ilə qızlarının arasına girməkdə günahlandırıb:

“Evrenin anası Emel atamla evli olan zaman bizi onunla görüşməyə qoymurdu. Həmin vaxtlar da notariusa gedib, vəsiyyətnaməni hazırlayıblar. Atamın mirası 5 milyon dollardan çoxdur. Bütün mülklərini tək övladına vəsiyyət etməsi düzgün deyil. Biz də onun qızlarıyıq, ədalətə və məhkəməyə güvənirik. Bizim xeyrimizə nəticə çıxacağını umuruq”.

Pərviz Hüseyn
www.ÇıxışYolu.Com

Ətraflı

Azərbaycanın tanınmış ifaçısı Damlanın “Youtube” kanalı silinib.

ÇıxışYolu.Com xəbər verir ki, ifaçı bu işdə güvəndiyi, “Youtube”a aid bütün işlərini həvalə etdiyi Rafiz Cəfərzadəni günahlandırır.

Bundan əlavə ifaçı iddia edir ki, Rafiz ona verilən etibarnamədən sui-istifadə edib, çünki ifaçı ona rəsmi qaydada etibarnamə verib.

“Bəli, Rafiz Cəfərzadə mənim rəsmi “Youtube” kanalımı silib. Bu günə kimi mənim kanalımdan gələn gəlirdən xəbərim belə yox idi. Heç bu barədə ona bir kəlmə də demirdim, fikirləşirdim əziyyət çəkir halal xoşu olsun.

Bir neçə gün öncə dedim ki, Rafiz “Youtube” kanalımın şifrəsini ver, işdən kənarlaş, bu günə kimi nə qazanmısan halalın olsun. Ya da mənə aylıq ödəniş gələndə bundan mənim də xəbərim olsun. Gördüm Rafiz bununla razılaşmır və sərt şəkildə etiraz edir.

Məcbur olub polisə şikayət edəcəyimi dedim, gördüm yenə fikrimi izah edə bilmirəm. Rafiz bildirdi ki, əgər polisə müraciət etsəm o zaman kanaldakı mahnıları siləcək. Və belə də oldu. Mən polisə müraciət etdim, o da kanalı bir gün içində yox etdi, adını dəyişdi, mahnılarımı sildi.

Təbii ki, mən hüquq-mühafizə orqanlarına müraciət etmişəm, bu oğurluq cavabsız qalmayacaq, əminəm. Ancaq mənim kimi ona inanıb, öz işini həvalə edən sənət dostlarıma səslənirəm ki, eyni səhvi etməsinlər və bu şəxsi yaxşı tanısınlar”.

Qeyd edək ki, kanaldakı videoların ümumi baxış sayı 35 milyondan çox idi.

Pərviz Hüseyn
www.ÇıxışYolu.Com

Ətraflı

Tanınmış aparıcı Vüsalə Kərimovanın mobil nömrəsi icazəsiz olaraq yaşadığı binanın sakinləri ilə paylaşılıb.

ÇıxışYolu.Com xəbər verir ki, “Azərsu”nun Mahir adlı əməkdaşı su sayğacının kodunu rahat əldə etmək məqsədilə binada yaşayan insanların şəxsi nömrələrindən ibarət “Whatsapp” qrupu yaradıb. 

Aparıcının nömrəsini də həmin qrupa əlavə edib.

Kərimova bu barədə sosial media hesabında yazıb:

 “O, çoxbilmişliyindən, özünə əziyyət vermək istəmədiyindən su sayğacının kodunu rahat əldə etmək məqsədilə binada yaşayan insanların şəxsi nömrələrindən ibarət “Whatsapp” qrupu yaradıb?! Belə şey görmüşdünüz? Adama deyərlər, sən kim olmusan ki, mənim nömrəmi 300 evlik binanın “Whatsapp” qrupuna yazırsan? Bu haqqı sənə kim verdi? Bunun mahiyyətini anlayırsan?”

V.Kərimova jurnalist və hüquqşünaslara səslənib: 

“Siz bilərsiniz, bəlkə, bu su idarəsinin işçisi haqlıdır. Mənim nömrəmi paylamağa ixtiyarı var?”

Aparıcı daha sonra qeyd edib ki, Mahirin işdən azad olunması onu narahat etmir:

“O, mənim nömrəmi el-aləmə paylayanda narahat olmadığı kimi, mənim də vecimə deyil. Görəsən, Mahirin arvadının nömrəsini tapıb qonşulara versəm, bu qeyrət dağarcığının xoşuna gələr?”

Pərviz Hüseyn
www.ÇıxışYolu.Com

Ətraflı