Category: Şou-biznes

Xalq artisti Brilliant Dadaşova efirlərə az-az çıxmasının səbəbini açıqlayıb..

ÇıxışYolu.Com xəbər verir ki, müğənni sosial media hesabında bildirib ki, qeyri-peşəkar aparıcılar efirdə günü-gündən artır:

“Sonra deməyin ki, televiziya proqramlarında tez-tez görünmürəm. Seda Sayan verilişinə gələn qonağa necə diqqət göstərir. Bizim bir çox televiziya proqramlarımızda aparıcıların efir mədəniyyətindən xəbəri yoxdur.

Müğənni musiqi ifa edərkən aparıcının dəfələrlə başqa işlə məşğul olduğunu görürük. Çünki efirdən bixəbər, şəristəsiz proqram “aparıcılarımız” get-gedə çoxalır”.

Pərviz Hüseyn
www.ÇıxışYolu.Com

Ətraflı

Müğənni Elvin Abdullayev “Dərk et” adlı yeni mahnısını və fotosessiyasını təqdim edib.

ÇıxışYolu.Com-ın məlumatına görə, bəstənin sözləri Anar İsmayılov, musiqisi sənətçinin özünə məxsusdur. 

Ənənəsini pozaraq model Neyli Bünyadzadə ilə obyektivlər qarşısına keçən Elvin səmimi fotolarından danışıb:

“Hər dəfə eyni stildə fotolar çəkdirməyi sevmirəm. Bu dəfə fərqlilik etdim və modellə kamera qarşısına keçdim. Bundan sonrakı fotolarımda dəyişiklik çox olacaq. Əgər kompleksin yoxdursa, demək, uğur qazanacaqsan”.

Elvin həyat yoldaşının onun gənc modellə səmimi görüntülərini qısqanmadığını deyib:

“Nə etsəm də, aşırı dərəcədə ola bilməz. Hər şeyi çərçivədə edirəm. Mənimlə birlikdə çalışan çox adam var. Mahnımın da, fotosessiyamın da hazırlanmasında onların əməyi olub”.

Qeyd edək ki, fotoların müəllifi Elgün Zaman, videoqrafer isə Elvin Məmmədovdur.

Pərviz Hüseyn
www.ÇıxışYolu.Com

Ətraflı

Bu gün paytaxt məkanlarının birində aktyor Elşən Orucovun qız toyu baş tutub.

ÇıxışYolu.Com xəbər verir ki, İlahə adlı xanımla ailə quran Elşənin toyundan fotolar sosial mediada paylaşılıb.

Qeyd edək ki, çəkildiyi filmlərdə “Fəlakət” obrazı ilə yadda qalan Elşənin oğlan toyu mart ayının 5-ində baş tutacaq.

Pərviz Hüseyn
www.ÇıxışYolu.Com

Ətraflı

Musiqi sahəsində xüsusi nüfuza malik olan “Brit” mükafatları dünən gecə sahiblərinə verilib.

ÇıxışYolu.Com xəbər verir ki, tədbirdə beş nominasiya üzrə yarışan Kosovalı Dua Lipa “Ən yaxşı ingilis qadın sənətçi” və “Ən yaxşı çıxış edən ingilis sənətçi” mükafatlarını qazanıb.

24 yaşlı repçi Stormzi “Ən yaxşı ingilis kişi sənətçi”, amerikalı Kendrik Lemar isə “Ən yaxşı beynəlxalq kişi sənətçi” nominasiyası üzrə qalib olublar.

Gecədə iştirak edən Kayli Minoq, Castin Timberleyk, Ed Şeran, Rita Ora, Kelvin Harris, Kamilla Kabello, Heyli Bolduin cinsi istismara qarşı etiraz ediblər. Onlar qadınlarla kişilərin bərabər olduqlarına diqqət çəkmək üçün qırmızı xalıda bəyaz güllərlə diqqət çəkiblər.

Pərviz Hüseyn
www.ÇıxışYolu.Com

Ətraflı

Tanınmış aparıcı Xoşqədəm Hidayətqızı “Instagram”da onu tənqid edən Nura Paşayeva adlı transseksualı məhkəməyə verib. 

ÇıxışYolu.Com xəbər verir ki, Baxşəliyeva bu barədə status yazıb: 

“Bunun üçün trans olmaq xoşbəxtlikmiş. Axtarırıq, kimin bu şəxslə bağla məlumatı varsa, yazsın. İndi bunun yeni fotolarını da paylaşacam. Onun sponsorunun şəklini də tapıb, arvadına-uşağına deyəcəm”.

Eyni zamanda, aparıcı ötən gün proqramında deyib ki, onu təhqir edənlər qanun qarşısında cavab verəcək:

“Bu günə kimi yazılan heç bir tənqidi şərhlərə fikir verməmişəm. Amma bundan sonra belə olmayacaq. Bir kəlmə təhqir yazan adamı belə bağışlamayacam. Onu məhkəmədə diz çökdürəcəm.

Üç oğul böyüdürəm. Məni, üzümü, ayağımı, apardığım verilişi sevməyə bilərsən. Amma ixtiyarınız yoxdur ki, oğlumun başını aşağı edəcək sözlər yazasınız”.

Pərviz Hüseyn
www.ÇıxışYolu.Com

Ətraflı