Category: Xarici xəbərlər

Fevralın 21-də Rusiyanın Suriyadakı “Hmeymim” hava bazasına Rusiyanın SU-57 qırıcısının beşinci nəsil nümunələri olan iki ədəd T-50 təyyarəsi enib. 

ÇıxışYolu.Com Rusiya mətbuatına istinadən xəbər verir ki, Suriyaya göndərilən T-50 hərbi təyyarələrinin konkret sayı barədə məlumat yoxdur.

Xatırladaq ki, bundan əvvəl Suriya mənbələri fevralın 21-də “Hmeymim”ə Rusiya Hava-Kosmik qüvvələrinə aid dörd ədəd Su-35C qırıcısının, Tu-154M sərnişin təyyarəsinin, radiolokasiya müşahidə və tuşlama sistemli A-50U  təyyarəsinin və dörd ədəd Su-25 döyüş təyyarəsinin  endiyini xəbər vermişdi.

Ümumilikdə 2010-2017-ci illər ərzində 10 ədəd T-50 (V nəsil Su-57) təyyarəsi hazırlanıb. Onlardan üçü 2017-ci ildə istehsal edilib. T-50 ilk uçuşunu 24 aprel 2017-ci ildə həyata keçirib.

www.ÇıxışYolu.Com

Suriyanın paytaxtı Dəməşqin şəhər kənarında hökumət qüvvələri üsyançıların nəzarətinə olan Şərqi Quta qəsəbəsini havadan və artilleriya silahlarından bombalamağa davam edir.

İnsan haqları fəalları Bəşər Əsəd rejimini yüzlərlə dinc sakinin ölümündə təqsirləndirir.

Rusiya Müdafiə Nazirliyi isə Dəməşqin yaşayış rayonlarının Şərqi Quta istiqamətindən atəşə tutulduğunu xəbər verir.

UNİCEF Qutada onlarla uşağın ölümü barədə xəbərə içi boş məktubla cavab verib. Baş verən dəhşətli mənzərəni təsvir etmək üçün təşkilat daha söz tapa bilmir.

ÇıxışYolu.Com “Meduza”ya istinadən Şərqi Qutada baş verənlərin fotoşəkillərini təqdim edir.

Səqbə, Şərqi Quta

Hamuriya qəsəbəsində uşaqları ilə təhlükəsiz sığınacaq axtaran qadın

Duma qəsəbəsində səhra xəstəxanası

Şərqi Quta

Dağıntılar altından insanlar çıxarılır, Hamuriya

Duma xəstəxanasına gətirilən uşaqlar

www.ÇıxışYolu.Com

Suriyada xarici oyunçuların müdaxiləsi ilə xarakterizə olan böhran regiondakı vəziyyətin sabitliyini pozur və İsrail ilə İran arasında birbaşa münaqişəyə gətirə bilər.

ÇıxışYolu.Com xəbər verir ki, belə bir rəylə BMT-nin keçmiş baş katibi Pan Gi Mun çıxış edib.

Onun sözlərinə görə, BMT Təhlükəsizlik Şurası Suriyanın şimalında türklərin PKK yaraqlılarına qarşı mübarizə apardığı ərazilərdəki vəziyyətə, həmçinin ölkədəki vətəndaş müharibəsinə, Holan yüksəkliklərində gərginlik, daxili köçkünlərin qayıtması və qaçqınlarla bağlı böhrana daha çox diqqət ayırmağa səsələyib.

“Bu problemlər yenidən ortaya çıxa, regional sabitliyi ciddi təhlükə altında qoya və region dövlətləri arasında yeni münaqişələrə səbəb ola bilər. Belə sabitlik İran və Səudiyyə Ərəbistanı arasında gərginliyin artmasına, həmçinin İsrail və İranı birbaşa toqquşmaya yaxınlaşdıra bilər”, – deyə, Pan Gi Mun bildirib.

www.ÇıxışYolu.Com

Rusiyanın BMT-dəki daimi nümayəndəsi Vasili Nebenzya amerikalı həmkarı Nikki Heylidən ölkəsindəki hakimiyyəti rejim adlandırmamağa çağırıb.

Bu barədə ÇıxışYolu.Com RİA Novosti-yə istinadən xəbrə veri.

“Daimi nümayəndə Heylinin diqqətinə çatdırmaq istəyirəm ki, Rusiyada rejim deyil, qanuni seçilmiş prezident və təyin olunmuş hökumət var. Mən Amerika nümayəndə heyətindən gələcəkdə ən bəsit dipliomatik hərəkətlərə səsləyirəm.

Yeri gəlmişkən, Suriyada da qanuni hökumət var, kim bəyənmirsə bunu özü bilər”, – deyə, Nebenzya amerikalı daimi nümayəndənin “Kim, Əsəd və Putin rejimləri“ haqqında bəyanatını şərh edib.

A.B.
www.ÇıxışYolu.Com

Ukrayna Dövlət Sərhəd Xidməti Odessa vilayətinin sabiq qubernatoru Mixail Saakaşviliyə 2021-ci ilə qədər ölkəyə girişi qadağan edib.

ÇıxışYolu.Com-ın xəbərinə görə, bu barədə RİA Novosti nəşri məlumat yayıb.

“2021-ci ilə qədər qadağa var”, –  Saakaşvilinin vəkili Ruslan Çernoluçkiy deyib.

Keçmiş qubernatorun vəkili bu qərarı qanunsuz sayıb və ondan şikayət veriləcəyini bildirib.

www.ÇıxışYolu.Com