CBC telekanalının dronu İrəvanın dağıdılmış tarixini lentə alıb – VİDEO
Bizim WhatsApp kanalımıza buradan abunə ola bilərsiniz
CBC telekanalı İrəvan səmasında dronla çəkiliş aparıb.
Çəkiliş qrupunun qarşısında duran vəzifə – şəhərin əvvəllər azərbaycanlıların
yaşadıqları tarixi yerlərini və məhəllələri lentə almaq olub. Etnik
təmizləmədən sonra bu tarixi məkanlar Ermənistan hakimiyyəti tərəfindən
dağıdılıb və dəyişikliyə məruz qalıb.
CBC ekspedisiyasının məqsədi İrəvanda azərbaycanlıların memarlıq irsinin
qəsdən dağıdılması faktlarını aşkara çıxarmaq olub. Bunun üçün qrup havadan
çəkiliş üçün dronlardan istifadə edib.
Çəkilişlər hərtərəfli hazırlıq sayəsində mümkün olub.
Bu məqsədlə çəkiliş əraziləri müəyyən edilərək öyrənilib, dronun uçuş marşrutu
elə planlaşdırılıb ki, artıq diqqət cəlb etməsin.
Nəticədə unikal videoçəkiliş aparmaq və Ermənistan hakimiyyətinin İrəvanın
tarixi ilə bağlı həqiqətləri gizlətməsinə dair əsaslı sübutlar aşkarlanıb.
Bu, CBC telekanalının çəkiliş qrupunun Ermənistana ikinci səfəridir.
Yeni sənədli filmdə CBC ekspedisiyasının İrəvanın əsl sakinləri haqqında
tapdığı dəlillərdən bəhs edilir.
Filmi təqdim edirik: