Bu gün Çempionlar Liqasında 1/4 final mərhələsinə start veriləcək.
ÇıxışYolu.Com-ın xəbərinə görə, ilk oyun günündə iki qarşılaşma keçiriləcək.
Ötən mövsümün finalçıları “Yuventus”la “Real Madrid” bu dəfə dörddəbir finalda üz-üzə gələcəklər.
Start fiti saat 22:45-də veriləcək, qarşılaşmanı türkiyəli hakim Cüneyt Çakır idarə edəcək.
Digər qarşılaşmada “Beşiktaş”ı mübarizədən kənarlaşdıran “Bavariya” səfərdə İspaniyanın “Sevilya” klubunun qonağı olacaq.
Qeyd edək ki, 1/4 final mərhələsinin digər iki ilk oyunu aprelin 4-də keçiriləcək. “Liverpul” “Mançester Siti”ni, “Barselona” isə “Roma”nı qəbul edəcək.