“Neftçi”nin yetirməsi Elvin Sərkərov karyerasını Latviyada davam etdirəcək.
ÇıxışYolu.Com xəbər verir ki, 22 yaşlı müdafiəçi “Daoqavpils” klubu ilə müqavilə imzalayıb.
Müqavilənin şərtlərinə görə, Elvin Sərkərov başqa bir kluba transfer olunarsa, gəlirin böyük hissəsi “Neftçi”yə ödəniləcək. Bundan əlavə, 21 yaşadək futbolçulardan ibarət millimizin üzvü Azərbaycana qayıdacağı halda ilk seçimini “Neftçi” üzərində edəcək.
Qeyd edək ki, Elvin Sərkərov bu mövsüm altı oyunda meydana çıxıb. Ondan əvvəl bu kluba daha bir azərbaycanlı futbolçu – Tural Bayramlı keçmişdi. Bu klubda həmçinin millimizin sabiq hücumçusu, Latviya vətəndaşı Vüqar Əsgərov da çıxış edir.
