Kiprin Limasol şəhərində keçirilən sambo üzrə yeniyetmə və gənclərin Avropa çempionatı başa çatıb.
ÇıxışYolu.Com-ın xəbərinə görə, Azərbaycan dörd bürünc medal qazanıb.
Belə ki, yeniyetmələrdə Vilayət Bayramov (-62 kq), Mehman Mehdizadə (-57 kq), gənclərdə isə Sahib Babayev (-48 kq) və Toğrul Salmanov (+87 kq) üçüncü yerə çıxıb.
Azərbaycan samboçularından Röyal Rüstəmov (-65 kq) medal qazana bilməsə də, 1/4 finalda Ermənistan idmançısı Arsen Avedisyana 2:0 hesabı ilə qalib gəlib. Həmin görüşün videosunu təqdim edirik:
Səbuhi MUSAYEV