İspaniyanın İbiza adasında 22 yaşlı azərbaycanlı turistin milyon funt sterlinq dəyərində saatı oğurlanıb.
“Daily Mail” xəbər verir ki, qarətçi azərbaycanlıya bir neçə zərbə vurduqdan sonra onun “Richard Mille 50-03 McLaren F1” xronoqrafını zorla əlindən alıb.
Hadisə saat sahibinin dostu ilə İbiza şəhərinin sahilində günorta saatlarında gəzərkən baş verib.
O, oğurluq barədə dərhal polisə məlumat verib.
Qeyd edək ki, “Richard Mille” saatları dünyada ən bahalı saatlardan biridir. Bu saatlar çox yüngül çəkiləri – 40 qramdan az – ilə fərqlənirlər.