Bakı-Quba yolunda qəzaya düşən şəxslərin adları məlum oldu.
ÇıxışYolu.Com-ın bölgə müxbirinin verdiyi məlumata görə, Bakı-Quba yolundakı qəzaya düşən şəxslər – Xaçmaz rayonunun Çiləgir kənd sakinləri sürücü Savalonov Hümbət Şayəddin oğlu, onun həyat yoldaşı Günay Savalanova və Xaçmaz rayonunun Yeni həyat kənd sakini Oksana Əliyevadır.
Qəza nəticəsində hər iki qadın vəfat edib,sürücünün vəziyyəti isə ağır olaraq qalır.
Faktla bağlı araşdırma aparılır.
23:50
Quba-Bakı yolundakı qəzada ağır xəsarət alan şəxslərdən Günay və Oksana adlı iki qadın həkimlərin səyinə baxmayaraq, vəfat ediblər.
Digər yaralının da vəziyyəti ağırdır.
22:50
Bakı-Quba yolunda qəza baş verib.
ÇıxışYolu.Com-ın bölgə müxbiri xəbər verir ki, hadisə Bakı-Quba yolunun Siyəzənin Zarat kəndi ərazisindən keçən hissəsində qeydə alınıb.
“KamAz” markalı yük maşını ilə “Vaz 21010” markalı avtomobil toqquşub. Qəza nəticəsində 3 nəfər ağır xəsarət alıb.
Yaralılar Siyəzən Regional Diaqnostika Mərkəzinə yerləşdiriliblər.
Faktla bağlı araşdırma aparılır.