Bakının Sabunçu rayonunda 57 yaşlı kişini avtomobil vurub.
ÇıxışYolu.Com bildirir ki, hadisə Zabrat yolunda baş verib.
10-FR-494 dövlət nömrə nişanlı “VAZ 2106” markalı minik avtomobili piyada 1962-ci il təvəllüdlü Abbasov Rəsul Hüseyn oğlunu vurub.
Yaralı 3 saylı Şəhər Klinik Xəstəxanasına çatdırılıb. Ona kəllə-beyin travması, baş beyinin silkələnməsi, qarının küt travması diaqnozu qoyulub.
Faktla bağlı Sabunçu Rayon Polis İdarəsində araşdırma aparılır.
Kamil Əmirli
Elşad Mətləboğlu