Bu gün Bakının Sabunçu rayonu ərazisində, Sabunçu-Zabrat yolunda 217 saylı marşrut xətti ilə hərəkət edən “İsuzu” markalı sərnişin avtobusunun “QAZel” markalı yük maşını ilə toqquşması nəticəsində 6 nəfər xəsarət alıb.
Səhiyyə Nazirliyinin mətbuat xidmətindən ONA-ya verilən məlumata görə, qəzada xəsarət alan üç qadın və üç kişi 3 nömrəli Şəhər Klinik Xəstəxanasına yerləşdirilib.
Xəsarət alanlardan ikisinin durumu ağır, digərlərinin isə orta-ağır qiymətləndirilir.
10.53
Bakıda sərnişin avtobusu yük maşını ilə toqquşub.
ONA-nın məlumatına görə, hadisə paytaxtın Sabunçu rayonu ərazisində, Sabunçu-Zabrat yolunda baş verib.
“İsuzu” markalı xətt avtobusu “QAZel” markalı yük maşını ilə toqquşub. Zərbənin təsirindən yük maşını yol kənarındakı obyektə girib.
Qəza nəticəsində xəsarət alanların olduğu bildirilir.