Bakıda itkin düşən azyaşlı ailəsinə təhvil verilib.
ÇıxışYolu.Com-ın məlumatına görə, uşaq Sabunçu qəsəbəsində yaşadığı evə gətirilib.
Azyaşlını oğurlayan Masallı rayon sakini olan qadın hüquq-mühafizə orqanları tərəfindən saxlanılıb.
Qadın hazırda polis bölməsindədir.
14.18
İtkin düşmüş 3 yaşlı Zəhra Bağırzadə tapılıb.
ÇıxışYolu.Com xəbər verir ki, uşaq “Neftçilər” metrosu yaxınlığında aşkar edilib.
Onun səhhətində problem yoxdur.
Qeyd edək ki, Z. Bağırzadə iki gün öncə Sabunçu qəsəbəsində yoxa çıxıb.
14.03
Bakının Sabunçu qəsəbəsində itkin düşmüş 3 yaşlı Zəhra Bağırzadənin axtarışları davam edir.
Hüquq-mühafizə orqanlarından ÇıxışYolu.Com-a bildiriblər ki, Sabunçu rayon polis idarəsi bütün qüvvəni uşağın axtarışına cəlb edib.
Qeyd edək ki, valideynlər uşağın evdən necə çıxıb getdiyini görməyiblər. Baş verənlərlə əlaqədar “Facebook”da naməlum kişinin Zəhraya oxşayan uşağın əlindən tutub apardığını əks etdirən foto yayıldığından istifadəçilər uşağın oğurlandığını ehtimal ediblər.
Lakin polis bu məlumatı təkzib edib. Bildirilib ki, şəkildəki qız Zəhra deyil. Hüquq-mühafizə orqanları əməkdaşlarının dediyinə görə, morqların yoxlanılması mənfi nəticə verib.
Ehtimal olunur ki, uşaq sağdır. Ancaq problem ondadır ki, həmin ərazidə çox sayda açıq quyu var, uşaq isə laldır.
Hazırda polis ərazidə axtarış aparır.
Ramella İbrahimxəlilova