Bakıda yol-nəqliyyat hadisəsində 1 nəfər yaralanıb.
ÇıxışYolu.Com xəbər verir ki, hadisə Binəqədi rayonu, Ziya Bünyadov prospektində baş verib.
“Mercedes” markalı minik avtomobili hərəkətdə olarkən anidən idarəetmədən çıxıb. Nəticədə nəqliyyat vasitəsi yol kənarındakı beton arakəsməyə çırpılıb.
Hadisə zamanı “Mercedes”-in sürücüsü xəsarət alaraq xəstəxanaya yerləşdirilib.
Faktla bağlı Binəqədi Rayon Polis İdarəsində araşdırma aparılır.
Kamil Əmirli, Elşad Mətləboğlu