Xəzər rayonunda motosiklet avtomobilə çırpılıb, sürücü ağır xəsarət alıb.
ÇıxışYolu.Com xəbər verir ki, 1952-ci il təvəllüdlü Samonin Qriqori Pavloviç Mərdəkan yolunda idarə etdiyi motosikletlə hərəkətdə olarkən anidən idarəetməni itirib.
Nəticədə motosiklet minik avtomobilinə çırpılıb. Qəza zamanı motosikletin sürücüsü ağır xəsarət alıb.
Yaralı 3 saylı Klinik Tibbi Mərkəzə çatdırılıb. Ona baş-beyin silkələnməsi, üzün və bədənin müxtəlif nahiyələrinin kəsilmiş yaraları diaqnozu qoyulub.
Qriqori Samonin təcili olaraq reanimasiya şöbəsinə yerləşdirilib.
Faktla bağlı araşdırma aparılır.
Kamil Əmirli, Elşad Mətləboğlu