Bakı şəhəri, Şəfayət Mehdiyev küçəsində yerləşən çoxmərtəbəli binada baş verən yanğın nəticəsində 10 nəfərə tibbi yardım göstərilib.
Bununla bağlı ÇıxışYolu.Com-a Səhiyyə Nazirliyindən məlumat verilib.
“Onlardan dördü uşaqdır. Onlar tüstüdən zəhərlənib və yerində tibbi yardım göstərilib”, – deyə məlumatda bildirilib.
Qeyd edilib ki, hadisə yerinə beş təcili yardım briqadası göndərilib.
Fövqəladə Hallar Nazirliyinin yaydığı məlumata görə, binada elektrik kabellərində tüstülənmə var.
13:55
Bakıda yaşayış binası yanır.
ÇıxışYolu.Com xəbər verir ki, bununla bağlı görüntülər sosial şəbəkədə yerləşdirilib.
Bildirilib ki, yanğın “Qoşa Park” yaşayış kompleksində qeydə alınıb.
Samir İsayev