İspaniya La Liqasında XXX tur başlayıb.
ÇıxışYolu.Com xəbər verir ki, turun ilk günündə üç matç keçirilib.
İkinci pillədə qərarlaşan “Atletiko” növbəti qələbəsini qazanıb. Madridlilər evdə “Jirona”nı məğlub edib – 2:0.
Çempionlar Liqasına düşmək iddiasında olan “Xetafe” isə “Espanyol”la ev görüşündə xal itkisi ilə üzləşib – 1:1.
Günün son matçı liderin iştirakı ilə keçirilib. “Barselona” La Liqada qalmaq uğrunda mübarizə aparan “Bilyareal”ın qonağı olub. Səkkiz qolun vurulduğu oyunda qalib müəyyənləşməyib.
Kataloniyalılar görüşə iki erkən qolla başlayıb. Bu qollardan sonra darmadağın olacağı gözlənilsə də, meydan sahibləri dörd qolla hesabda önə keçib. “Barselona” yalnız uzatma dəqiqələrindəki qollarla məğlubiyyətdən qaçıb.
Qeyd edək ki, tura aprelin 4-də yekun vurulacaq.