Ötən gün “Nizami” kinoteatrında “Bozbaş pictures”in “İLK Media” və “Cinemazadeh”lə ərsəyə gətirdiyi “Bombaltı” filminin gala gecəsi baş tutub.
ÇıxışYolu.Com xəbər verir ki, komediya-macəra və döyüş janrında lentə alınan ekran işinin quruluşçu rejissoru Rauf Ocaqverdiyev, quruluşcu operatoru Elvin Əhmədoğludur.
90 dəqiqəlik ekran işinin ssenarisi Ənvər Abbasov, Samid Ağayev və Elnur Hüseynova məxsusdur.
İlkin Həsəni ekran işinin indiyə kimi çəkdikləri filmlər arasında ən bahalısı olduğunu dilə gətirib.
“Maliyyə, nə maliyyə. Gecəyə geyindiyimiz kostyumları belə kirayəyə götürmüşük. Olanımız, qalanımız, bütün pulumuz filmə xərcləndi. Filmin təxmini büdcəsinə gəldikdə isə, 300 min manatdan çox pul xərclənib. Rekordumuzu yeniləməsələr, “Bombaltı” 2019-cu ilin ən bahalı filmidir.
Ekran işinin nümayişindən öncə baş rolları ifa edən aktyorlar və onların məşhur qonaqları media nümayəndələrinin suallarını cavablandırıblar. Premyerada yaşanan ən maraqlı görüntülər isə ÇıxışYolu.Com-ın kamerasının obyektivinə tuş gəlib.
Rəşad Əliyev